السلام عليكم ورحمة الله وبركاته
بصراحه يابنات بعد ماقريت كثير قصص للمطلقات وكيف متحطمين
وحزينات على حالهم :44:
قررت أني أكتب قصة جارة أختي لكم ........علشان تتفائلون :love::love::love:
أول شي ترا فيه بنات ناقصات عقول تسمع هالقصه وهي متهاوشه مع زوجها ومحتاره بالطلاق وبعدها تتحمس وتقول بتطلق
وتحط في بالها ان الحياة الورديه قدامها تنتظرها
ترا يابناااااااااااات القصه هذي خااااصه بالمظلوماااااااااااااااااات فقط
يعني اللي تطلق دلع وطفش:angry: ومعرف أيش أقولها أنسي العوض والله يصبرك على اللي جاي
المهم مالكم بالطويله
هذي أختي سكنت في حي جديد وأجتمعو الحريم عندها
وكل وحده تسأل عن جارتها عاد قالو سالفة البنت
هذي سلمكم الله كانت متزوجه وساكنه في حارتهم وعندها عيال وبنااات وعايشه في سباااات ونباااااات
زوجها طويل العمر قرر أنه يكمل دراسته وسجل بالجامعه أنتساب
وصار كل ماجات الأختبارات يسافر ل جده
يختبر وبعد ما يخلص يرجع لمنطقتهم
المهم كل سنه يسافر مرتين بالصدفه تعرف على وحده تدرس في نفس الجامعه وتسكن قبال الشقه اللي يسكن فيها وشوي شوي
تعرفو على بعض وعشقو بعض وبدأت العلاقه بينهم وطااار فيها أنعمت عيونه ماعاد يشوف بالدنيا غيرها
صار كل سنه يسافر وهو متحمس ومبسوووط ويسكنون في نفس العماره ويختارون شقق مقابله لبعض
المهم قررو بعد مايخلصون الجامعه أنهم يتزوجون
وتخرجو من الجامعه وخطبها من أهلها وأظاهر أن البنت قالت ما أنزل على حرمه ... أو أن الرجال ماعنده مقدره أنه يفتح بيت جديد ويستاجر للحرمه الجديده بيت
بصراحه مو عارفه ليه الرجال أقدم على تصرف مثل هذا .؟؟
دخل على زوجته فجأه من غير مقدمات وتهاوش معاها وطردها من البيت ورفضت تطلع وهواااش وصياااح وصل لباب الشارع وهي رافضه بالنهايه سحبها من شعرها مدري من ملابسها وطلعها بالحوش ورما عليها ملابسها وعبايتها وسكر الباب وهي تبكي تبكي تترجاه يدخلها تقول تكفا بس أبي عيالي خلني عندك قال انا بتزوج
قالت عادي تزوج بس خلني عندك قال لا والله ما تقعدين على ذمتي يوم واحد وتصييييح صياااح كلن يسمعه تقول طيب لا تحرمني من عيالي قال خذيهم كلهم ما أبيكم أهم شي تفضولي البيت
وأتصل على أخوانها قال تعالو أخذو أختكم فكوني منها لزقت فيني ياناس مااااا أبيهاااااااااااااااا
ويجون أخوانها وياخذونها ومن القهر أخذو العيال من أختهم بالقوه ورمو العيال على أبوهم كل هذا و الأم تطالع فيهم
المهم ويتزوج الرجال ويجيب الحرمه الجديده للبيت ويسكنها فيه
وتقعد مثل الشغاله مع عياله حالتها حاله وهو حاله أردا منها
وهي تتوقعون وش صارلها ؟؟؟؟؟؟؟؟؟؟؟؟؟؟
تقدملها واحد عمره 40سنه عقيم طيييييييييب وحنوون
ومليااااار ديررررررررررررررر يلعب بالفلوس لعب
يقول أنا من زمان أدور وحده ماتبي عيااال عندها أطفال وماتفكر تجيب غيرهم لأن ماودي أظلمها معاي
وتزوجها
والحين يقولون والله أنها من ظهر طياره لظهر طياره هههههههههههههه يقولون في السنه تسافر عشرين مره من أوروبـــــــا لآســـــــيا لأفريقـــــيا الدلع والرقه والنعووومه والبذخ طااالع من بين أصاااابعها الناس منهبلييييييين عليها
وعيالها إذا تبيهم ترسل عليهم الشغاله والسواق على سياره آخر موديل يجيبونهم لها متى مابغت وينامون عندها ويتمشون وبعدين ترجعهم
الحريم يضحكون ويقولون سبحان الله كان يسحبها للخير وهي تصيح تبي ترجع للفقر والشقا
أسأل الله العظيم رب العرش العظيم أن يعوضنا في هذي الساعه المباركه ويبدلنا أزواج خير من أزواجنا ياحي ياقيوم تكفون أدعولي ترا قصتي مشابهه لقصتها بس هي أنسحبت بشعرها وأنا أنسحبت بالتهديد والتخويف كل هذا علشان نطلع من بيوتنا اللي شلناهم فيها وسترناهم وسترنا عيوبهم هذي جزاتنا لكن الصبر مل من صبرنا والفرج كتبه الله لنا مع أزواج غيرهم (( يااااارب ٌقل كن فيكون أسألك أن ترزقني زوجا ذو دين ومال وخلق وجاه وذو سلطانآ في الدوله كريم بماله وعواطفه مخموم القلب يشيلني ويشيل بنيتي ))
الرشيققه @alrshykkh
عضوة نشيطة
هذا الموضوع مغلق.
دار النجوى
•
ماشاء الله تبارك الله
عقبآلي يااارب .. صح إني أهون منهآ بكثير بس الغدر والظلم يوجع بكل درجاته الحمدلله على كل حآل ..
الله يعوضني ويعوضك بالأزواج الصالحين ياحي ياقيوم عاجلاً غير آجل وكل بنات المسلمين ..
الله يعوضني ويعوضك بالأزواج الصالحين ياحي ياقيوم عاجلاً غير آجل وكل بنات المسلمين ..
الصفحة الأخيرة