جزيتي خيرا اختي وصال وسطوا مافيه فايده ,لكن انا سمعت انه فيه بعض المشايخ او من متخصصين في الاصلاح والشئون الاسريه كالشيخ عبد الرحمن المحرج ممكن يساعدوهم لكن ماادري كيف ادلها؟ وكيف الطريقه؟! ياليت اللي عندها خلفيه تفيدنا ....

للي صار في الأم مب شوي وأنا مع الأب في رأيه لأن بنات الناس مب لعبه اعتقد بعد اللي سواه فيها ما له معزة في قلبها ولا في قلب ابوها وهذا اللي خلاه يعاند وما يرضى يخليها ترجع له وعلشان يعاقبه اكثر خلا الأولاد معاه علشان يحس فيها المهم انت قلتي انه راح لأبوها علشان يرجعها هل كان معاه حد كبير حد له كلمه من اهل الزوج وله معزة عند ابوها ويوضح له ان ولدهم غلط ويتأسف له واذا لزم الأمر يسوي لها حفلة كأنها عروس جديدة توها متزوجة ويدفع لها مهر من اول وجديد (تراني لو كنت الأب ما راح ارضى لبنتي تنهان وانا عايش )واذا كان عندك اقارب لوالدك فاستعيني بهم ودعيهم يحاولو ان يعرفو ما هي شروطه لعودتك وحاولي ان ترضي والدك لأنه في النهاية يحبك ولا يريد لك الأذية او المهانة وادعو من الله القدير ان يفرج كربتك ويجمعك بأبنائك ويصلح حال زوجك

كفو اعجبني هالاب لانها لو ارجعت كلها كم شهر وترجع مره ثانيه لابوها وانا رايي انها تقعد حتى تمر العده وبعدين يكون لها عقد جديد ومهر جديد ويكتب لها مؤخر عشان هالرجال مايستهين بزوجته مره ثانيه ويتلاعب بالطلاق يكفي انه طلعها من بيتها والله انه مايسوى اللي يطلع مره ضعيفه من بيتها واولادها
وصدقيني راح يحس ان لها قيمه واعتبار وان وراها ناس صدقيني والله وحده من عايلتنا كذا والله هالحين في قمة السعادة حتى زوجها يقول ان ابوك ادبني وعلمني شيء ماعلمتني اياه الحياة وبعدين هو مارجعها الا من شان اولاده ؟ عجبي
خليها تصبر وابوها ابخص ترى يبي مصلحتها