حسبي الله ونعم لوكيل
معقوله؟ ببساطه جاه واحد من اصدقاة وقال له مرتك فيها وفيها .. وطلق .. وبس
معقوله؟ ياعالم الله ماشفناه بالعقل عرفناه
المفروض يتريث... ترا بنات الناس ماهم لعبه عشان يجيك اي واحد ويقول عنهم كذا ... وعلى فكره ترا اصدقاء الزوج في بعض الاحان ماهم الا اعداء لعدة اسباب: منها انه غيران من نجاح زواج صديقه فقال مالي الا اني اخرب
لاحول ولا قوة الا بالله
عندي قريبه متزوجه من 13 سنه ومبسوطه مع زوجها وماقصرت في حقه .. ماشالله دايم تتجدد له ومربيه عيالها على احسن وجه ومايدخل البيت الا كل شي يلمه بيتها وهيئتها وهيئة عيالها يعني باختصار ماقصرت ابد ابد .. وفوق كل هذا تحبه وتحترمه وحافظته في حضوره وغيابه
ودايم يمزحون سوا ويطلعون سوا ويسافرون سوا .. يعني منسجمين ... قبل فتره قصيره تغيرت الحال
صار الرجال مايطيق بيته ولا عياله ودايم طالع ... واذا عرف السبب بطل العجب.. تخيلوا؟
جا صديق الزوج المقرب ( هذا الصديق مالله وفقه في زواج تزوج اربع مرات وطلق .. كل ماتزوج بنت ناس قال ماتعجبني وتقعد معه شهرين ويطلقها وهذي حال) قال لزوج قريبتي: والله يافلان زوجتك محترمه وبنت ناس وسمعتها وسمعة اهلها زي الالماس بس وش رايك تغير؟ وش رايك تشوف لك وحده غيرها.. هذي صارت ام وعندها اربع عيال وبيت ومشاكل انت يبي لك وحده فرفوره صغيره ودلوعه وش رايك تتزوج على ام عيالك؟ واذا حاس انك ماراح تعدل طلق زوجتك وتزوج غيرها... طبعا الزوج رفض قال انا احب زوجتي ومرتاح معها ويكفي انها متحملتني ومتحمله امي وشدتها وبصراحه نسبهم مايتفوت ... وقعد هالصديق سنتين يزن على راس الرجال ( لدرجه ان الزوجه لمن حست خبث نوايا صديقه هي بنفسها راحت خطبت له ( لصديق زوجها) عشان تفك زوجها من تخريبه قام تزوج البنت اسبوعين وطلقها) ورجع يزن على راس زوجها لحد ماصار زوجها ماعاد يطيقها ولا يطيق عياله حتى ... طفشها من البيت وتطلع كم يوم بيت اهلها وترجع تقول بيتي وعيالي ماابي اهدمهم عشان نزوه من زوجي ... وكل مارجعت يفرح زوجها ويجيب لها رضاوه يرجع الشيطان صديقه ويفر راسه ... والحين زوجها كانه مسحور يتحكم في صديق .. كانه ماسك ريموت كنترول والحين يقول لها انا مليت ودي اطلقك واتزوج وحده ينقي لي اياها فلان ( يقصد صديق)
فانتم يالقراء بالله وش رايكم؟ هل الزوج هذا طبيعي؟ والا مسحور؟ والا ايش بالضبط؟
ارجو منكم الرد

إحمد ربك إن عندك حرمة جوهرة ومستحملتنك انت وعيالك وامك ولا واحدة ثانية مافيها أصل هدت البيت من زمان وأقول للزوج إن الحين وحالا يقطع علاقته بهالصديق الحسود اللي يبي يخرب بيتك ولا ترجع له أبد وتروح تراضي مرتك وتستسمح منها والله يوفقكم ويرد المياه لمجاريها

واذا كان صديقه هذا ولد خالته وصديقه الصدوق؟ من جد وضع الحرمه مايعلم به الا الله حسبي الله ونعم الوكيل تصدقين ان خوات زوجها كل يوم والثاني يتصلون ويجون لها في بيت اهلها ويستسمحون منها من كثر ماهي حرمه وبنت ناس ويخافون يخسرونها