مساكم الله بالخير والرضا والسرور
بعد ما قرات كثير من مشاكل الاخوات هنا والتجاوب والحلول الي بتقدموها لهم تشجعت في اني اكتب مشكلتي الي عجزت عن حلها ..وفعلا انتسبت للمنتدى وكنت مفتكره انه شي صعب ولقيته من اسهل ما يكون فاول مشاركة لي واول طله اتمنى من كل قلبي اني اكون خفيفة الظل عليكم واتمنى اتمنى اني الاقي النصح الي بحثت عنه بين اهلي واصحابي ومالقيت الي يفهمني
مشكلتي مع خطيبي هي مشكلة العصر او تقدرو تقولو مشكلة الجيل الجديد وانا متاكده ان البعض مرت فيه مثل هذه المشكلة ولكن متأكده بان الكل يعرف يتصرف الا انا
قبل فترة اربع سنوات تقريبا ربي انعم علي بوظيفه كانت الاولى لي ومثل ماتعرفو القطاع الخاص ومشاكله وتقريبا كل سنه في شركة كان عندي طموح كبير مايتوصف احب العمل احب التزم بروتين احب اتقن عملي حتى اترقى وزيادة على كذا كنت طالبه جامعيه بنظام الانتساب وزياده عليها حبتين كنت اشتغل بالبزنس على خفيف . كانت حياتي زحمه دوام واشغال وعلاقات عامة معارض امسيات صديقات اهل اختبارات ماكنت احصل فرصه فراغ وهالشي يريحني .
قبل سته اشهر تقريبا حصلت لي مشكلة في العمل ولقيت نفسي جالسه بالبيت يعدي يوم ويجي الثاني وانا حياتي بدات تتغير علي اتقدم لي شاب مجرد خطبه واتفقنا ان الزواج يكون بعد مايخلص الكورس التدريبي واخلص انا من دراستي يعني بحدود السنه يكون هو استقر في عمله وانا انهيت دراستي
جلوسي بالبيت تركني مدمنة انترنت ومع اني استخدمه من سنوات طويله بس مش بالادمان هذا
صار عندي فراغ كبير ماتتخيلوه صاحباتي مشغولات بوظايفهم وماعاد عندهم الوقت لوحده مثلي فاضيه وجلستي بالبيت ابعدتني عن الفعاليات الي كنت احضرها حتى البزنس الي كنت ناويه اكبر فيه خسرته مش عارفه ايش الي صار بس تقدرو تسموه احباط .
ماصار قدامي الا خطيبي .. كل يوم مشاكل انا وهو والسبب الانترنت برضوه
يخرج للدوام من 6 الصباح ويرجع على 4 وبس يرجع على الانترنت لحد 7 او 8 ومن بعدها يجلس مع اصحابه شويتين وصار وقت النوم يعني ماعنده أي وقت لي طبعا جلسته على الانترنت لان الشركه تبعهم عامله موقع ومنتدى لهم وهو من ضمن المبرمجين فيه فانا كثير اغار وهو يسخر وقته للردود على البنات وغيره . مش عارفه اذا كان معي حق او لا بس ماحب انه يتعود هالشي واحب انه يكون لي اهميه قبل أي شي ثاني في حياته . كثير احس اني مزعجه واحيانا مشكلجيه بس من جد هو انسان أي دقيقه فاضيه عنده على طول على موقع الشركة حاول كثير يشجعني اشتغل واشغل وقتي وقدمت كثييييييييييير وماتصدقو لو اقولكم السعوديه كلها خلت من الوظايف على حظي صرت احس انه ماعاد لي مستقبل ولا هدف انام حتى اصحى بكره واصحى حتى انام . ماني عارفه كيف اكسب خطيبي واحس ان سكوتي على خطئه معناها اني اشجعه عليه
واحيانا اقول يكفي متحمل غلاستي .
احس ان حياتي صارت مقرفه ماعاد عندي هدف او طموح ولا عاد اشوف مستقبل قدامي ما احس الا انني خليط من الفراغ والفشل والاكتئاب حياتي في تدهور واحس ان خطيبي راح يحس بيوم وليله انه غلط في اختياري لاني انا صرت اشوف نفسي اني فاضيه وسخيفه بنفس الوقت
ماعدت اعرف نفسي واخاف اخسر خطيبي
محتاجه لنصيحتكم :44:
نوفـه @nofh_6
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
معادلتك غير صحيحه
بالنسبه لخطيبك الله يجعل بينكم المحبه والتوفيق -- ولا تكوني مشرفه عليه اذا كان يعمل امور لاترضي الله انصحيه وتوددي له لتكسبيه -- اما انك تدفعيه غرامة الفراغ والطفش لا
خطأ وألف x -
وبعدين احمدي ربك الوظيفه بدل عنها وظيفه والله رزاق كريم ادعيه يستجب لك
وغيرك محتاج ماديا وفاشل دراسيا ويلاقي ضغوط ومشاكل بسبب العنوسه وهمومها
ماشاء الله عليك الله يحميك من كل شر الطريق قدامك والزواج والبيت سيملي وقتك ويستنزف طاقتك
لاحقه على خير استعني بالله والله يفرج همك