طليقة زوجي << اكتفى من الردود <<

السلام عليكم ورحمة الله وبركاته 

هذي مشكلتي وحبيت اخذ رايكم لعلي القى اي حل عندكم او راي 

انا تزوجت من انسان مطلق وعنده ولد عمره 4 سنوات وحبينا بعض كثير وهو من جماعتي وطليقته ايضا من نفس الجماعه وهي انخطبت بعد العده طوالي وزواجهم خامس العيد لكن المشكله يابنات ان طليقته ارسلت اخوها تبغى الفين ريال من زوجي عشان تشتري ملابس العيد لولدها جاني زوجي واستشارني وقلت له الفين ريال كثيره ارسلها الف بس وبعدين ترسل الملابس لان ولدها ساكن معانا يعني مع ابوه والولد طيب ومؤدب وتعلقت فيه كثير المهم قال زوجي لاخوها الفين كثيره برسل الف بس طبعا هذا من كرم زوجي ان مايبغى يحرمها تشتري لولدها بس المفاجاه انها ارسلت لزوجي تستخسر في ولدك الفين وزوجي وراني الرساله هنا انا جن جنوني كيف ترسلك وانت مطلقها ومرتبطه ايضا انقهرت يابنات جاتني غيره فضيعه صورت كلامها وارسلت الصوره لجوالي واخذت رقمها من جوال زوجي وارسلتلها انتي ماتستحين كيف ترسلين لانسان مايصير لك شي ع العموم انا صورت كلامك ووالله لاربيك وارسلتلها الصوره وقلتلها تحلمين انك تشتري لولدك ملابس العيد انا راح اشتري له انتي مالك شي وطبعا مالها وجه ترد وقلت لزوجي والله ماترسلها ريال واحد انا اللي بشتري ملابس للولد وبعدها بكم يوم ارسل اخوها خلاص مافيه مشكله ارسل الف ارسله زوجي انا بشتري لولدي وقولها كثر الله خيرها انها فكرت فيه وانا حاليا حالفه يمين ماتشتري للولد وقلت لزوجي هاذي شكلها ناقصها فلوس لتجهيزات زواجها وتبغي تهف المبلغ مابتشتري ملابس للولد كذابه وقلت لخواتي وامي ع السالفه قالتلي اختي تبغين تقهرينها احضري الزواج وخذي الولد معاك خل تشوفه يابنات انا مقهوره كيف ترسل ع زوجي قليلة الحيا وهي زواجها قريب يعني معقوله للحين تفكر فزوجي اعطوني رايكم وهل تصرفي صحيح اني منعت زوجي مايرسلها فلوس عشان تقضي لولدها انا مقهوره يابنات الله يوفقكم ويسخرلكم ازواجكم ردو عليه هل احضر زواجها والا لا واذا حضرت اخذ الولد معايه طيب كيف اتعامل معاها بحكم انها من الجماعه وكثير مناسبات فالعايله تربطني اشوفها