طليقه خطيبي ومشاكلها

تمت شبكتي على مطلق وبعد السؤال عرفنا انه مطلق بالثلاث
بعد الملكه تكلمت معه وسالته بوضوح عن الطلاق السبب وايش صار بالضبط
الي قاله لي انهم كانو عايشين مرتاحين وأمورهم تمام وجابو طفلين ولمن انجبت الثالث بدأت تتغير بشكل مفاجئ وماعد تبغاه وصديقتها تحرضها باستمرار ضده لان صديقتها دارسه محاماه وكانت تهمله وتتهرب منه ولاتبغاه وانفصلو بعد مشاكل كثيره
اخذت الاطفال بموجب امر من المحكمه ولانها طلبت الطلاق هي كان المفروض ترد له مهره لاكن القاضي حكم لها انها تدفع المعر اقثاد كونها غير موظفه بعدها التغى وماقدر يرجع المهر له
المهم الي صار انه بالفتره الاخيره كل شوي ترفع عليه قضيه واخرتها نفقه ارضاع الطفل ويحلف يمين انه مااذاها ولاسوا لها شي وكل شوي تجرجره للمحاكم
سالته مومعقول انها فجاه تسوي كذا يحلف بالله انه ماذاها ولاعمره قصر معها لكن فجاه انقلبت وبعد الطلاق كل شوي ترفع عليه قضيه جديده واخرتها نفقه ارضاع طفل الي هو الطفل الاخير وصاير يدعي عليها ويتحسب ويحط صور بحالات الواتس عن الظلم وان الله بينصر المظلوم ويقول ان المحكمه ظلموه وكل مره ترفع قضيه يحكم لها القاضي وخصوصا انه قبل رفعت قضيه ودفعوه ٨ الاف قالت انها تدينتها عشان تنفق على اولاده والان طالعه بقضيه جديده ويدعي ويتحسب سالته ليش ماحد يكلمها ويفهم منها طالما حضانه الابناء لها ونفقتهم شهريا تجيهم وش تبي ويقول ماترد ع احد ولاتكلم احد ابدا ويحلف انه مادخل محاكم بحياته الا بسببها وكل شوي تجرجره للمحكمه ويقول نفسيته تعبانه وكل شوي شايلين مبلغ من راتبه واخذو هالشهر مبلغ زياده عن النفقه الي منصوص عليها ولماراجع البنك قالو راجع مؤسسه النقد راجع مؤسسه النقد قالو راجع المحكمه
قبلها يقول كانت مانعته يشوف عياله وراح وطلب يشوفهم وصار يقدر يشوفهم اسبوعيا
انا يابنات مستغربه ولاادري هو كلامه صدق ولالا ! ماني عارفه هي ليش تسوي كذا والقصايا من قبل لانتملك يعني من قبلي للنه لوبعد ملكتنا كان قلت السبب انه تملك وتزوج
انا باختصار قلقانه من هالمشاكل وخايفه تأثر ع حياتي مستقبلا وتتوقعون هو صادق بكلامه ولالا
حاولت اوصل لرقمها واكلمها واسالها عن سبب الانفصال بس ماقدرت وخفت انها تغلط علي او يزعل خطيبي اواواو
شورو علي ولاتقولو المفروض سسالتي قبل الملكه لانه ماكنت اقدر اتكلم معا واخذ رقمي الابعد ماتملكنا وعقد علي وابوي سال عن طلاقهم قبل الملكه قالو مااتفقو وانفصلو والان عرفت التفاصيل غالبيتها شورو علي اكمل ولالا
لان حاولت اقيس الامور بعقلي مومعقوله متزوجه وعندها اطفال بتضحي ببيتها وحياتها وتطلب الطلاق فجاه وتشتت اطفالها صح ولالا !!،مومعقوله عشان صاحبتها حرضتها بتخرب بيتها بكل بساطه وكمان ماتبغاه وطلقها ليش جالسه كل شوي ترفع قضيه وكل فتره شي جديد من المحكمه وكأنها حاقده اوجالسه تنتقم لشي في نفسها
في حلقه مفقوده بالقصه