الله يجزاك خير ويعينك على تربيتهم التربيه الصالحه وما تدرين يمكن ماينفعك الا هم هالاربع الله يحفظهم ويحفظ اخوهم بعد
تحلي بالصبر واحتسبي الاجر وشوفيلك شغاله بالساعه مره او مرتين بالاسبوع الله يهدي سركم وبالكم ويفرج همك يارب

شكله زوجك من النوع اللي ماعنده تفاهم
لاتطلبي شغالة وتتمشكلي معاه اذا البنات صغار حاولي تكسبيهم عامليهم بالحسنى راح يحبوكي
اما حركات عماتهم طنشيها
الله يعينك ويكتب اجرك

الله يعين البنات و يعينك
الصراحة موقف ما تنحسدين عليه بس دام انج انحطيتي في هالموقف
احتسبي اجر تربيتهم عند الله و صممي ع الشغالة

خالتي صار لها نفس الموقف خذت واحد مطلق و عنده بنتين
يوم صباحيتها سلموها البنت الكبيرة كان عمرها سنة و نص
بعدها بشهر سلموها البنت الثانية كان عمرها بالشهور
قبل لا تحمل كان عندها بنتين خخخخ و صبرت و ربتهم ويا عيالهم 5 اولاد ما شاء الله
ما كانوا يعرفون امهم و لا اي حد من طرفها و ع بالهم خالتي امهم
و في يوم من الايام شافتهم خالتهم و عبت راسهم و من يومها يكرهون خالتي كره العمى (خير تعمل شر تلقى )

بالنسبه للشغاله هو ماراح يجيب في البدايه بس بعد ما يجوا وتصير الدنيا حوسه ويشوفك فعلا تعبتي وما تقدري تتحملي ويفهم ان السالفه يبي لها شغاله وعاد انت وذكائك يعني مرة تنسين تغسلي الملابس ومرة تقولي نمت ونسيت وتعبت وكذا يعني حبيبتي بدون اهمال لا والله ما ادعيك للاهمال ابدا بس عشان يجيب لك شغاله فيعني هذي بسيطه والبنات مساكين يا اختي صح اقول مو شيء بسيط فجأة تربين بنات و4 وبعدين تنحرمين اشياء كثيرة اكيد بس تخيلي انك كل يوم تكسبي اجرهم مساكين امهم تركتهم وابوهم بعد تركهم مساكين الله يجبرهم ويجبرك ادعي ربك وربي يفرجها عليكم مساكين البنات والله وبعدين اذا ربيتيهم ودرستيهم وحفظتيهم القرآن صدقيني راح يحبوك ويكونون باذن الله سبب دخولك الجنه وجلب الرزق وتقاسمي الرزق معهم ولا تشيلي هم رزقك انت وولدك ورزقهم عند الله ويمكن دخلتهم عليك هي فاتحه باب الرزق يرحم ربي ضعفهم ويرزقكم لكم وتصيرون احلى حبايب ما تصبرين منهم اما العمات راح يتكلموا ويتكلموا واخرتها يطفشووووووا ويطنشوووووووا

وتعالي معي هنا ياقلبي عشان تبكين من الفرح والسعادة وتموتين من البسط وتقولين صدق اني غبيه اني شلت همهم ادخلي يوتيوب عمرو خالد باسمك نحيا اسم الله (المجيب-الرزاق-الجبار-الودود-الوكيل-الشكور-)وغيرها وشوفي كيف راح تبكي

شوفي حبيبتي الحين ما عاد يفيد الكلام انتي عارفه من قبل تتزوجينه ان عنده بنات واكيد اذا تزوجت امهم بيجيبهم يعني وين يروحون المساكين ما لهم ذنب في مشاكل اهلهم انا اقول لك تكفيييييييييييييين تكفيييييييين تكفيييييييين عامليهم بالطيب وحني عليهم وعوضيهم حنان الام والاب اللي فقدوه ومالك شغل في عماتهم طنشي كل الكلام اللي ينقال وين تبين هالبنيات يروحون بالعكس اهتمي فيهم وراح يحسون بحبك لهم واحتسبي اجرك عند الله عز وجل والله ما ينفعك الا العمل الطيب ويمكن من البنات تدخلين الجنه لا تنسين حديث الرسول صلى الله عليه وسلم (من عالا جاريتين كنت انا واياه في الجنه كهاتين)واشار بالسبابه والوسطى واعتبري يا اختي خدمتهم صدقه عن صحتك وصحه ولدك وتسخير زوجك لك والله ان الله ما يضيع لك اجر
والله ودي اتكلم معاك اكثر بخصوصهم احسني حزنت عليهم شوفي عناد اهلهم اللين وين وداهم الام تزوجت والاب تزوج وهم اللي ضاااااااعووو ومره ثانيه اقول لك تكفين لا يضحك عليك الشيطان وكلام بعض الحريم وانهم يحرضونك عليهم لا تطاوعين احد والله فوق وشايفك والله يزرع حبك في قلوبهم وحبهم في قلبك
وموفقه ان شاء الله