طليقي خانني مع اختي للبنات اللي طلبوني اكتب القصه لهم

السلام عليكم ..
بنات كتبت ف كذا موضوع في الردود عن سبب طلاقي من الاول
وامس يوم كتبت موضوع اني قابلت طليقة زوجي جوني خاص يبون احكي لهم قصة طلاقي من طليقي لأنهم بس عرفوا سبب الطلاق من بعض ردودي ف الموضوع وامس كأني ذكرتهم بالسالفه هههههههه
الموهم انا عمري موب صغير ف أواخر العشرينات عندي اخت عمرها 17 فتترة طلاقي وعندها ولد كنت مع طليقي حياه يضرب بها المثل فيه مشاكل بس حياه حلوه و مُرها
شفتو الدنيا انا كنت أشوفها ف عيونه يعني تسع سنوات زواج عمري ما رحت لأهلي زعلانه او شكيانه منو يوم كنت عند اهلي وخلصت سمره عندهم رجعت بيتي اول م وصلت جاني اتصال من امي قالتلي على طول اسمعي حاولت وسكت أغطي عن الموضوع لأَنِّي ما ابغى خراب بيتك واعرف انك تحبي زوجك لاكن انا اعرف قلبك ولا راح ارضى حياتك مع واحد نجس مثله
ترى زوجك له علاقه مع اختك كشفتهم قبل شويه وأنها يوم جات بيتك وأنتي تسوين اكل حق امه صار بينهم شي سطحي يعني من الكلام اللي هي قرته ف محادثتهم امه ساكنه تحتي وكنت عندها تقريبا اربعه وعشرين ساعه عشان تعبانه ما تقدر تتحرك الموهم وانه يوم جينا جده حاول يتصيد النظرات لها وفوق هذا يكتب لها انه يحبك وانه ما يعيش بدونك انا المكالمه كلها حسّيت زي السكين يقطع فيني وسااااكته بس دموعي على خدي وامي تحكي حاجات قرتها في المحادثه ختمت كلامها اذا انتي قادره تعيشي مع إنسان مثله بكيفه بس انا ما اشوف انك تستحقيه قفلت من عندها وطلعت له فوق بيتي قال اشبك تأخرتي تحت قلت اسوي لأمك اكل قلت له تبغى شي بطلع الصاله اقعد فيها الشعور اللي حسيته وقتها انو انا عندي كرامه بس ابغى أودعه والله العظيم ذاك الوقت كان شعور ف قلبي اقسى من يوم وفاة ابوي علي ضمييييته بكل مافيني كنت اشم ريحته وأبوس يده لأَنِّي انا اعرف نفسي خلاص اخذت قراري اني اروح لأهلي و اطلب طلاقي ضميته وبكيت بكيت حتى حسّيت ان عروق قلبي بتطلع وهو ساااكت لين بكيت قال ايش اللي متعبك قلتلو حسّيت اني اشتقت لأبوي هو يضمني وانا أشم ريحته حسّيت اني بفقده وانا معاه قلتلو تبغاك بكره توديني لأمي قال تو راجعين من عندها خصوصا اني ابعد عن الرياض حول ساعه قلتله طلبتك قال تم وطلعت الصاله ابكي ما ادري ان بيتي وهو وكل شي بيعور لي قلبي اذا بعدت عنه نزلت تحت عند امه وهو نايم كنت اضمها وأبكي قلت لها أمي سامحيني اذا يوم ثقلت او جرحتك ف كلمه وحكيت لها كل شي كانت تبكي وأنا ابكي وأخته تبكي معانا والله ناس عشتهم معاهم شي مو طبيعي اكثر من خوات وأمه كانت لي ام طلعت من عندها بغرفهً ثانيه انا و اخته هنا طلعت القهر اللي ف قلبي كنت اضرب وجهي قسم بالله ي بنات ان مافي ألم متخدره زوجي و اختي اوجعو قلبي والله العظيم ودددعتهم ونمت عندهم تحت لين اليوم الثاني طلعنا السياره بروح لبيت اهلي ما اخذت شي معي عشان م يشك طول الطريق وانا اضم يده والله العظيم احبه ف ذاك الوقت حب موب طبيعي شعور يعور اني معاه وفاقدته نزلني بيت اهلي ونزل معايه وجبت جوال اختي له قلت له انا عرفت كل شي من امس وانا ابكي وامي قاعده معنا وتبكي تعرف قد ايش انا احبه قلتلو شوف ماراح أندم عليك لأنك نجس بتعذب عليك اسبوع اسبوعين او حتى سنه مصيري ب نساك كان يقول اهدي ي بنت الحلال والله شيطان والله م احبها وأنها كانت نزوه قلت زي ما أخذتك ب قرار انا يتطلب منك ب قرار سحبني لغرفة امي وقال نتناقش لوحدنا ضمني ما قدرت أقاوم وضميته قال شفتي تحبيني قلتلو احبك لاكن والله اللي سويته فيني انت و اختي يمين الله م أنساه ولا اسامحكم فيه محد حاس بالحرقه اللي فيني انا من امس لليوم شيِّبت فيني الدنيا ما ابغى شي روح الله معاك بس ابغى ورقة طلاقي سارت حاجات كثيره وانه يحاول يرجعني وكانت اخر مره اشوفه جاب البطاقه حق المستشفى لي وأخذ كرت العايله مني وقال ترجعين قلت لا وهو طالع هو يبكي وانا ابكي ضمني وقال والله من يوم أخذتك لين اخر يوم اني ماقد نمت عليك زعلان او انك حاولتي تثقلي او تعانديني ف شي وان ضحكتك اسمعها بكل مكان بالبيت هذا انتي شهر ف بيت اهلك قلت يمكن تحنين وترجعين لاكن الله يسعدك والله يخليك تسامحيني خلاص هذي اخر مره اشم ريحته وطلع من عندي اليوم الثاني اتصل علي وهو بالمحكمة قال فكرتي قلتله ايه ابي ورقة طلاقي وابغى اغراضي من البيت قال أبشري وجاب الصك وبعدها ب فتره اخته جابت لي الصور وملابسي وكل شي يخصني عنده ولا عاد ادري عنه ولا سمعت له صوت بس خواته و امه لين اليوم يجوني ويكلموني اما اختي ما بيننا اي تواصل وقطعتها وتزوجت واحد برى قبيلتنا ولا حضرت عرسها ولا شي تللي سمعته انها حامل وموقفي مع طليقي اني ما طلعت وقلبت عليه الدنيا وهاوشت لأَنِّي عارفه انه ما بيوديني لأهلي اذا عرف اني عرفت لاكن كنت ابغى اليوم يمشي بهدوء الله يسامحهم ويسعده وين ماكان ويرزقه باللي احسن مني ..
انا الحمدلله تزوجت وربي عوضني ب ولد خالتي رجال فاهم وماله ف الخرابيط والحمدلله على كل حال ..