ماعرف كيف تأمنينه ! يمشي ويطلق حتى زوجته الجديده ٧ شهور وهربت منه ! اذا على ابوك تجنبيه بكل سهوله واطلبي من امك تخفف مشاكل معه وحاولي تقربينهم من بعض ، يعني اذا ابوك يزعل ويهاوش مش عادي بس زوجك يمشي ويطلق ويهينك ويتكلم عليك عادي ! واذا على المؤخر ماعنده مشكله ترى يقدر يرجعك ويخليك معلقه ويتزوج عليك وانتِ متعذبه وبالعكس يمكن يعذبك ويهينك ومايطلقك لانه ماراح يدفع مهر ، لاترخصين نفسك يكفي ان حتى توه مطلق يعني مامر زمن علشان تضمنينه.

ياربي للحريم ضعيفات اجل مؤخر وشروط
المؤخر ماينفع مع واحد مثل طليقك !وحتى الشروط
حتى بطريقه طلبه للرجعه اسلوبه حقيييير
كانك تنتظرينه !وانتي تقولين انت متزوج وبيطلق وبيرجعك لك .فكري بعقل كيف تضمنيه
وش شعورك وانتي راجعه مضروبه ومطلقه من نفس الشخص !
مره انت لاتضعفين حتى لو ما احد تقدم لك جالسه تنتظرين الزواج
دوري لك ع شغله تنفع افضل من هالرجل اللي بترجعين للعذاب مره ثانيه لو فيه ماتركته بنت للناس ٧ شهور وهجت
لو ابوك حياته لاتطاق هذا ابوك تحمليه افضل من انك تتحملين شخص غريب يهينك ليل نهار
رائيي عزي نفسك عن الرجال واسمعي كلام امك
وخلي عنك كلام المسلسلات مؤخر وغيره اذا الرجال مابه خير ينترك
والرجال اللي فيه خير مايحتاج نكتب عليه شروط
مدري ليه دايم اقراء بالحريم اشرطي مصروف ورضوه
الفلوس مو كل شي النفقه واجبه عليه بدون طلب

الحياهةالزوجيه احترام واستقرار وثقه
الله يكتب لك اللي فيه خير

لو منك ارجع ...
بشروطي تظمن لي حقي

استخيري

ياقلبي استخيري ..انا مع راي امك ..تقولين ابوك عصبي بس مهما كان ابوك حتى لو قسى عليك ..واللي يقولون اطلبي مؤخر ...حطي ببالك ممكن يجننك ويعلقك لما تطلبي خلع وبكذا مالك حق بالمؤخر
فكري الف مره والله يكتب لك الخيره💕
مجرد رأي لكن بالاول والاخير
انتي ادرى بنفسك حياتك وظروفك
الله يوفقك