عزيزتي .. المرحلة اللي تمرين فيها كل اللي انفصلوا على أزواجهم مروا فيها غالبًا .. وهي تذكر حسنات الطليق .. وتتمنى ترجع يكون لها بيتها واستقرارها.. لكن بعدين نسوهم وعوضهم الله بأزواج أفضل وحمدوا الله أنهم مارجعوا ..
طليقك مدمن ومايصلي وزيادة على كذا فقير
هو مايصلح زوج
وكذلك فكري لقدام .. كيف يكون أب وقدوة لأولاده
لاتقولين بيتعالج كلها أوهام
إلا إذا جاب لك تقرير وتعافى تماماً
الله يعوضك ويسعد أيامك

والله عقلك في راسك وعارفه البير وغطاه
لكن انتي راضيه بكل العيوب والبلاوي اللي فيه وماودك بالفراق ولو بيدك رجعتي له اليوم بلا شروط
اكذبي على الناس كلها لكن خليك صادقه مع نفسك
وتذكري ان الحب والتعلق اللي تحسين فيه اذا ماجاء معه احترام وثقه ورجال بكامل قواه العقليه بلا ادمان ماراح ينفعك بشي وخذيها من الاخر رجوعك له مجرد تمديد لفترة الالم والمشاكل وانتي جالسه تخدرين نفسك وتقولين اسلوبه حلو معاي عشان كذا برجع له وانتي عارفه في صميم عقلك وقلبك ان المستقبل معاه مظلم ومتأكده 100 % انه كذاب وان ماوراه علاج ولا في صلح مع اهله وكلها فتره وترجعين لاهلك تلطمين وتنوحين

امك يوم شافتك ماده البوز ماوقفت في وجهك ولا عارضتك لانها عارفه بكرا راح تجين وترمين اللوم عليها وتطلعينها هي سبب الفراق والحزن وتنسين ان السبب من زوجك فهي تركتك براحتك عشان انتي تفهمين بنفسك انه ماينفع لك يوم ترجعين لاهلك بعد شهر شهرين تشتكين من بلاويه وكذبه وخداعه

وارجع اقولها مره ثانيه والله ثم والله ان الرجال لو جاد في موضوع العلاج كان تعالج بدون رجعتك له لانه فعلاً تاب لكن لما يقول اوعدك اتعالج اعرفي انه كلام فاضي يطقطق به عليك

الكلام معك مايجيب نتيجه
الكل قال لك قصص سواء من واقعه او من قصص صارت بالمجتمع وانتشرت
ومع ذلك ماهمك الا موضوع أهله
من الآخر أنتي راميه نفسك لتهلكه وبكره تبكين وتقولين ليتني مارجعت له
لكن ذاك الوقت ماينفعك ندمك

البنات قالولك العلم بس باين انك راجعتله مو سائله في احد..


الله ينورلك قلبك وبصيرتك ويكتبلك الخير..

انتي تبينا نقولك ارجعي !! عجيب امرك ي بنت نبي لك الخير وحنا نشوف الموضوع بعقل انتي تشوفينه من زاويه وحده اللي هي عاطفتك اصصصصصحي هو استغل هالشي عشان كذا يقولك لو اتزوج تسمعين اني مبسوط وكلامه هالخرابيط مين اللي امها داعيه عليها بتقبل فيه؟؟
والله انه يغث حتى كلامه واضح كذب ويبي يرجعك ب اي طريقه والله انك بتبكين ندم لو رجعتي
قولي ماابيك واحظريه واذا بيتزوج قولي له يتزوج قسم بالله مصير زوجته نفس المعاناه وبتطلق منه
اصحي اصحي المدمن يحلف ويوعد بالمجان وحلوف ويمين مع قسم لان عقله ممسوح مايخاف الله طايح بالبلاوي تبين تصدقينه ؟
اختاري لعيالك اب يخاف الله ترا لان ماجربتي حياه مع زوج ثاني بتشوفين الدلع على اصوله ذا يدلعك عشان تستمرين معه ماهو حب لان عارف ماراح تقبل فيه الا المخدوعه مثلك
امس قريت قصه واحد مدمن تعالج ورجع اخس والعن من قبل
العلاج للي عندهم اراده وعزيمه اما ذا كذذذذذذاب اي كذاب بيقولك اترك واتعالج وتشوفين العيشه السودا اللي تنتظرك
وصراحه انا بديت اخاف رغم نصايحنا تبين ترجعين له الظاهر مكتوب لك شي معه مب زين ربي يستر عليك وفكري زين وابعدي العاطفه عنك ..