طليقي لايصرف على اطفالي

طليقي لايصرف على اطفالي ولا جاب لهم ملابس عيد ذبح الضحيه حقته وعزم فيها القاصي والداني ولافكر ياخذ الاولاد يتعشو منها ولا عايدهم
ولدي ياخذ جوال امي بدون علمي ويدق على ابوه ويقول له يابابا انا مشتاق لك كثير ودي احبك واجد ولا هزت شعره فيه يقفل الجوال ويطنشه واحيان يكذب عليه يقول اجيك بكره ولايجيه مع انه بنفس الديره وقريب للحي له كم شهر مافكر يسلم عليهم
انا مابي عيالي يدقون عليه كل شوي وهو مايعطيهم وجه واهلي يهاوشوني يقولون لاتقاطعين بين الاولاد وابوهم حتى لو مايفكر فيهم خليهم هم على بره احسن
لو دقو يطلبونه شي محتاجينه قال ماعندي غير يطلبون اخواني وابوي وانا ماحب عيالي يتعودون ياخذون من اي احد
ولدي يلعب مع ولد عمه اللي بنفس الوقت ولد خالتي وقال الولد انا ابروح لاعمامي وقلت لولدي رح معه سلم على اعمامك عشانه عيد ولاتطول ورفض قال اخاف بابا يشوفني ويقول وش جايبك ويضربني
انا اعاتب اهله كثير ليه مايذكرونه بعياله يجيب لهم مصروف الاطفال مالهم ذنب بالمشاكل يحط حرته فيهم هو وابوه وخواته
وانا لما كنت في ذمته احرصه انه يدق على اهله واذكره انه يتفقد احوال خواته المحتاجات واخوه اللي مو متوظف