طليقي وبناتي ساعدوني الله يسعدكم ..

يااخواتي الحوائيات ابقولكم مشكلتي واتمنى تفيدوني بحل قانوني وشرعي
تطلقت قبل ٩ سنوات بعد زواج دام ٢١ سنة من زوج لديه ٣ زوجات غيري وهو مقتدر ماديا وكان اولادي صغار وطالبت ابوهم ينفق عليهم وقالي اذا تبيني انفق عليهم اطلعي من بيتي طبعا انا خفت على عيالي من التشتت خاصة انو صاحب سفر ولايجلس في الرياض بحكم عمله وطبعا سكت ماطالبت باي شي وجلست اصرف على عيالي ولدين وثلاث بنات لمدة ٧ سنوات وخلال هذي السبع سنوات ماسال عنهم ولاصرف ولاهلله عليهم رغم ان باب الشقه في باب الشقه الي يسكن فيها ..
انا تزوجت قبل سنتين ومازلت اصرف عليهم لحد قبل سنه ارسلت بنتي الكبيره لابوها نحتاج طلبات ولازم توفرها لنا وافق انو يصرف عليهم طبعا مو كل شي فقط مصروف السوبرماركت وادوات المدرسه وبقية المصروفات انا ، بدا يصرف بالضبط من يوم ٢٣ محرم ١٤٣٩ الى محرم ١٤٤٠ ..
وحاليا رافض يرجع يصرف عليهم بحجة انو اتفق معايا اني اصرف عليهم واسكن معاهم وهذا طبعا مو اتفاقنا ابد والحجه الثانيه انو ليش امكم ساكنه معاكم ..وبمناقشتهم له قال لهم بالحرف الواحد اذا طلعت امكم من البيت انا اصرف عليهم وبلغوه ان امنا لها بيت وانت مالك حق تمنعها من زيارتنا والجلوس معنا وانت المسؤول عن نفقتنا والصرف علينا
وطبعا انا مو ساكنه معاهم لكن اغلب وقتي عندهم واروح واجي عليهم وانا المسؤولة عن دراستهم ومدارسهم ومصروف مدارسهم واكلهم وشربهم بحكم حاجة البنات لي ...
الان سؤالي ...وش الحل معاه ؟
ووش حكم الشرع في هذي الحاله ؟
وحاليا كيف اتصرف في هذا الموقف
افيدوني بالحل الصحيح الله يجزاكم الجنه ..