noga2005 :

فريش ميلم كيفك؟ انا زميلتك من ملتقى المغتربين شوفي انا بس احس انه البندورة بلشت او قربت تخرب(مستوية عالاخر)بغسلها كتير منيح وبنشفها وبقسمها كل ست اوسبع حبات بكيس نايلون تبع الفريزر وبكتب التاريخ واحطها بالفريزر وقت الحاجة بطلعها وبحطها بقدر مع ماء بارد اوساخن مش مهم بس يغمرها يعني مقدار كوبين تقريبا وبحطها على النار وبس تغلي بضيف شوية ملح حوالي ملعقة صغيرة وبتركها تغلي 5 دقايق بس تبرد بحطها في خلاط الكاس وبخلطها وبعدين بصفيها بمصفى ناعم اعصريها بضهر الملعقة علشان ينزل كل شي خاصة بالاخر لب البندورة اللب بيعطيها القوام الحلو انا عارفة انه الطريقة طويلة شوي بس النتيجة انه بتحصلي على احلى عصير طماطم كأنه طازج ممكن استعماله في: مرق للمحشي(الكوسا والباذنجان وورق العنب) صلصة المعكرونه والكشري صلصة لمرق البامية والفاصوليا والبازيلا وهكذا انا ماخدة هالطريقة من الوالدة الله يطول بعمرها وهي معتمداها من 35 سنه او اكتر

فريش ميلم كيفك؟ انا زميلتك من ملتقى المغتربين شوفي انا بس احس انه البندورة بلشت او قربت...