طمنوني الله يسعدكم دنيا واخره

السلام عليكم خواتي العزيزات

بدخل في الموضوع على طول

ولدي من كم يوم جته حكه براسه صار يحك نفسه بشكل ملفت
المهم انا بالبداية ما اهتميت بالموضوع بس يوم شفته زاد مسكته وجلست افتش براسه لقيت نقط بيض بس مررره قليله يعني مو واضحه
ضاق صدررررري لاني عرفت انها صيبان 😭😭
والله العظيم بدون مبالغه اني بغيت انهبل يوم عرفت جتني ضيقه مايعلم فيها الا ربي
طبعا ماصبرت واليوم وديته عند طبيب جلديه وكشف عليه وقال لي الولد فيه صيبان بس انه مره مره قليل وحالته ماتستدعي القلق واللي فيه غير معدي وتعتبر عدوى عابره حتى قال لي انه ماشاف الا كم حبه مو منتشر ولا كثير
طبعا انا وزوجي قلقناه بالاسئله كيف نتعامل معه وكيف نظامنا بيكون قال حالته ماتستدعي هالقلق ابدا بس تعرفون قلب الام يوجعها لين ماتحل المشكله
قال لنا الطبيب ان الولد مافيه ولا قمله ومو شرط ان الصيبان يعني وجود القمل وما اخفيكم هالشي ريحني كثير بس ولو لازلت تعبانه نفسيا والحمدلله على كل حال
كتب له الدكتور شامبو اسمه ستوب لايس وقال تستخدمونه يوميا لمدة اسبوع وقال بعد انه بالعاده يوصفه لمدة اسبوعين للحالات المزعجه بس لان ولدي قليل اللي فيه بس اسبوع
وحتى قال مو لازم تتغير المفارش ولا لازم حالة الاستنفار اللي احنا فيها
طبعا انا ماصبرت ودخلت النت وابحث وابحث علشان القى حل والكل يقول الخل هو يقضي على الصيبان
يا امهات الله يجزاكم خير ويسعدكم ابي حلول مجربه منكم شخصيا لا تقولون سمعت وقالو الله يخليييييكم
والله ان زوجي يهاوشني يقول احمدي ربك الولد مافيه الا كم حبه وماتنشاف الا بالتفتيش القوي وسواسك ذا بيجيب لك عقوبه 😞😞
ولدي عمره خمس سنوات وما ادري من وين جاه 😞
الدكتور طمني كثير بس غصب عني اقلق والله مو بيدي
طمنوني الله يحقق امنياتكم