حماتي ولدت بنتها طبيعي والحبل ملفوف عليها
وماخبرتها الا بعد الولادة عشان ما تخاف

الله يطمنكم بالعافية

بس هو فيه خطورة علية الحين الى وقت الولادة والا الولادة هي بس اللي فيها الخطورة؟؟؟

الله ييسر لك ويسهل امورك

نصيحه لله وخذيها من مجربه

انا تعرضت حياتي وحياة ولدي للخطر وبهذا السبب بعد


بس الاختلاف اني ماكنت اعرف بان الحبل ملتف على ولدي لكن سبحان الله كان عندي احساس قوي

بان فيه عندي مشكله وماهيب سهله

ومن الملاحظات اللي لاحظتها بان حركته غي حركة اخوانه بالمره

يعني احسه واقف بالطول ويدور حول نفسه غير اخوانه كانت حركتهم مثل الثعبان يخبطون يمين يسار وكذا

وبفس الوقت كنت معديه شهري وامشي كثير واحس به ينزل مررره بالحوض لدرجه اني احس براسه يحتك بحوضي

وبعد ساعه يرجع يعني كان فيه حاجه ماسكته

وشرحت للطبيبه الوضع وعلمتها بكل اللي احس به واخرتها تقولي اصلا السونار مايبين اذاكان الحبل السري ملتف او لا

وكلما ذكرت اقول الله لايسامحها ذالطبيبه وين ماراحت

.......طولت عليك....

المهم يوم جاة الولاده الله لايوريك ولايوريها لمسلمه

الواااان العذااااب ذقتها وتمنيت العمليه بدال المره مليون مو مره وحده بس

ولا اللي شفته

اسبوع وزياده وانا رايحه جايه على المستشفى ومره يقولون لي فتح 2سم وبعدها بيومين صار 3 سم

وباليوم الخامس جيتهم قلت خلاص سوو بي اللي تبغون بس فكوني

ويدخلوني للتنويم وبعد 6 ساعات مشي وتخطيط ومشاكل حطولي الطلق الصناعي

قلت يالله من عندك الفرج وبعد 3ساعات ونص جاني دفع مو طبيعي احس برحمي بينفجر وماني قادره استحمل

واصيح فيهم افزعوا لي ابغي عمليه خلاص الموت جاني

وتقعد الممرضه بنت الكلب تصيح فيني ليه تصيحين انتي اول مره ولاده

وبعد ماشافت التخطيط ضعف قامت تصيح على لاتشدين البيبي بيموت وقفي وتصيح على خوياتها والطبيب

وانا خلاص والله ثم والله ماعاد ابغي الا الخلاص ومرتين ثلاث اربع يوم بين راسه وتصيح على وقفي وقفي

البيبي ملتف عليه الحبل السري وانا ماعاد احس بنفسي الدفع يجي لحاله ومن غير شعور

المهم ربي جابه لكن وش تشوفين شبه ميت و لونه كأنه عبايه سوداء ولاصاح وهم يصيحووون بيبي موت بيبي موت

وانا احس كأنه حلم عندي مرٍ افيق وره اغيب وضل حول عشر دقايق وهم ويا الطبيب يحاولون فيه

وبالموت طلع له صوت وردة الروح فيه لكن ضل ثلالث ايام حول خشمه وفمه زرقه كأنها شامه

ويوم سألت الطبيب عنها قال يابنتي احمدي ربك انه عاش لك وعاش سليم من اي اعاقه

واللي مثلك المفروض مايولدون الا بعمليه انتي ماكان عندك علم بان الحبل السري ملتف عليه مرتين

دا انتي كنتي حاتموتيه لولا لطف ربنا وانتي الظاهر ماكنتي بتابعي مواعيدك مضبوط

قلت له لا والله الا متابعه وهذا من طيب طبيبتكم الموقره ويوم علمته بكلامها قال يحق لك تشتكي عليها

هي وش ضارها لو عملت سونار وتأكدت

المهم حاولت بزوجي يشتكيها لكن ماطاعني الله يهديه وقال يوم ربي سلمك وسلم ولدك الحمد لله وخليها لها رب يحاسبها

قلت المصيبه انا ربي نجاني ونجا ولدي بمعجزه من عنده لكن ما ابغي يصير لوحده ثانيه نفس ماصارلي


والحمد لله على كل حال


والحاجه الاهم في هذا الموضوع لك ولجميع الاخوات


انتبهوووووووا انتبهوووووا انتبهوووووا


من مثل هالحاله ولاتتهاونون فيها


فيها خطوره كبيره على الام وعلى مولودها ومن مخاطرها على المولود انها تؤدي الى الوفاة لاقدر الله او الاعاقه

بلا محاله لانقطاع الاكسوجين عن مخ الجنين والحمد لله اللي ربي حفظ لي ولدي من هالحاله
والسبب والله العالم اني ماطعتهم في اثناء خروجه وجبته بسرعه


ونصيحه لله يا اختي خلك متابعه على طول ولا تعتمدين على الحكومي وتابعي بالخاص واستشيري اكثر من طبيب شاطر

وربي يكتب لك مافيه الخير لك ولمولودك وييسر لك جميع ماهمك ياكريم


وربي يطمنا عليك ان شاء الله ..

ضبي البواادي

جزاك الله خير

متى كان ملتف عليه الحبل السري باي شهر حسيتي؟؟

بس هو فيه خطورة علية الحين الى وقت الولادة والا الولادة هي بس اللي فيها الخطورة؟؟؟


اخواااااااااااااااااتي اللي جربواا طمنوني