سلامة بنتك..
الخضار شكله من الضربة..
بسم الله عليها..
المفروض انك شربتيها موية على طول بعد الطيحة..
إذا استفرغت تودينها..

لكن لا باس..
ماتشوف شر..

عاد وش تقولين عن بنت اختي،،طاحت طيحه الله لا يوريك
وهي عمرها ثلاث سنوات،،مسكها خالها بالحوش وحطها على كتفه،،وفجاه طاحت البنت من كتفه،وكان الجو مطر،أنا سمعت الطيحه على بالي قنبله،،على طول علمت اختي أكتشفنا انه البنت ،،
وديناها للمستشفى وتورم راسها بس ما طلع دم ،،بس جاتها دوخه وتطريش وحرااااره وتنومت بالمستشفى يومين،،،

وانا اقول وديها للمستشفى احسن لك وعلى شان ترتاحين
الله يحفظ لك بنتك،،

ما عليها الا العافية ان شاء الله وكلي امرها لربها
ياما كلت بنتي طيحات والحافظ الله
ومن كلام الطبيب اهم شيئ ان ما ترتفع عليها الحرارة لانه دليل وجود نزيف في الداخل
اقري عليها دايم وما تشوف شر ان شاء الله

طمنينا وديتيها المستشفى؟؟؟؟؟؟؟؟

سلامة بنتك ماتشوف شر مادام تلاحظين انها تلعب وتركز لمدة 48 ساعه ماعليها شر ودم متجمع ورمه تروح خلال يومين وحطيلها كمادات بس اذا لاحظتي شي غريب بالبنت على طوول المستشفي

انت بنتك 3سنوات عجل شتقولين بنتي لما كانت 10شهور طاحت من سريري للارض وسريري من نوع مرتفع انا اذا قعدت رجولي ماتوصل الارض تخيلي وانا بصالتي سمعت خبطه قويه طااااااااااااااااااخ وطاحت على وجها ويدها راحت ورا انشليت ذاك اليوم والله لايرجع ذيك ساعه مت وقعدت اصيح وبنتي تورم راسها وقامت تشنجت وتبكي بشكل فضيع ومت مت مت والحمدالله بعدها قامت تحبي وتلعب وتحرك ايدينها بس تمت بقعه خضرا ودم متجمع يومين وراح صارت لها ورمه بجبهتها كبيرة

لكن ليومك من طاحت ماترقعت بنت كله مريضه اسبوع شحلاتها اسبوعين مريضه