أم حبيــبة :

هذا اليود مضر للي حوليك لان جسمك حيطلع شعاع ما حتحسي فيه لاكنه يكون مضر للاطفال وللمراه الحامل لاكن في المستشفى حيخلوكي 5ايام ممنوع الزياره حتى اهلك لا يجون عشان ما يضررون وبعدين حيخرجوكي اجلسي في غرفه وابعدي عن الاطفال والحوامل وحاولي يكون بينك وبين اهلك حوالي 2متر لو بغيتي تتكلمين معاهم ،، وكثري من شرب الماء والعصيرات عشان اليود يخرج مع البول والبراز وحاولي تسحبي السيفون كم مره ولو تتروشين كل يوم يكون افضل عشان العرق حيكون محمل باليود وبعد العمليه بعض الناس حيجيهم تشنجات في الاطراف بسبب نقص بالكالسيوم مو كلهم بعضهم طبعا لازم ياخذوا كالسيوم من الصيدليه ويكثروا من شرب الحليب والماكولات الي تحتوي على الكالسيوم ا لاكثار من شرب الالبان والحليب واكل الاجبان،، ولكن لابد ان تاكلي قبلها اي فاكه او تمر او خضار حتى يتم التوازن الحمضي القلوي.. وبعدين ممنوع تحملين لازم فتره عشان جسمك مليان شعاع بعض الدكاتره يقولون سنه وبعضهم 6 اشهر وبعضهم اكثر .. وكمان الدواء الي حيعطوكي اياه لازم يوميا تاخذيه ولايوجد مضاعفات المضاعفات حتجيك اذا ما اخذتي الحبوب يوميا قبل الاكل .. أعانك الله .. حتحسين بتعب عند بذل مجهود والام في المفاصل وهذا طبيعي لمان تستمرين على الحبوب تدريجيا حيخف التعب وحتزبط التحاليل لان في البدايه حتكون التحاليل ماهي زابطه لاكن تدريجيا حيصير كل شي تماموبعد كل فتره ممكن سته اشهر وبعدين بعد سنه وبعدين بعد سنتين حيعطوكي يود مشع غير اليود الاول هذا اليود خاص بالاشاعه عشان يطمنو عليكي وحتكون الجرعه خفيفه بس عشان الاشاعه توضح ويارب يشفيك ويشفي جميع المسلمين .

هذا اليود مضر للي حوليك لان جسمك حيطلع شعاع ما حتحسي فيه لاكنه يكون مضر للاطفال وللمراه الحامل...