طمنوني على ولدي تكفون

الله يشفيه ويعافيه ويطمن قلبك عليه ماعندي والله علم 
واذا انتي في الدمام عندك الدكتور محمد ندى ماشاء الله عليه ممتاز مره. في مستشفى الاحمدي ولا يحب كثره الادويه  بنتي صغيره كان عمرها بالاشهر وتعبت مره وكانت تختنق ولا فاد فيها حتى التنويم والحمد لله وديتها له والحمد لله ارتاحت وبعدها خلاص اروح له من البدايه ولا صارت توصل الحمد لله لمرحله صعبه اول كانت تتعب وتختنق اكثر من شهر
ونصيحه دفي زيت زيتون شوي ملعقتين  وحطي فيه المسمار الي هو القرنفل حق القهوه اطحني شوي منه واخلطيه مع الزيت وبعدها ادهني باطن رجول ولدك قبل ينام بالزيت وكثري قرنفل وحطي فوقها مناديل تكونين مسفطته عشان يبقى القرنفل متوزع على باطن القدم ولبسيه شراب وتاكدي ان مطاطها مو قوي عل رجل ولدك علشان جريان الدم واذا ولدك يفسخها لبسيه فوقها هيلا هب ودفيه وباذن الله يخف الاختناق ويروح الزكام تدريجي وسويها له كل يوم او كل ماينام
وجارتي كانت تدفي زيت السمسم وتخلط معاه شوي زنجبيل مطحون وتدهن صدر وظهر عيالها وتدفيهم زين وماشاء الله بسرعه يطيبون واستخدمتها لبنتي الكبيره فتره اذا تعبت بس الحمد لله ماكانت توصل مرحله انها تختنق مره.
 
وانا للامانه القرنفل اذا تعبت بنتي اطحن شوي ممكن ملعقتين الي يكفيني 3ايام او4 واحطه بعلبه زجاجه محكمه وجربت مره قرنفل مطحون من اول وحسيت فايدته قليله ومفعوله بسيط ومجرد ماطحنت جديد وحطيته بين ماشاءالله الفرق في صحة بنتي

وانتبهي في ناس يقلون حطي فقس على باطن الرجل انتبهي تسوينها حتى لو فقس خاص بالاطفال 
احنا الكبار ونختنق من ريحته فما بالك بالاطفال وخطاء احد يستخدمه في غرفه فيها طفل وهذي الطريقه روعه للكبار لاكن الاطفال لا ابدا ماتنفع ثانيا الفقس مبرد وممكن معه يرخل الجسم هواء ويتعب اكثر لازم يكون للكبار ويتدفون زين

ويشهد الله عمتي تقول حطت لطفلها فقس تقول والله ماجاء الصبح الا وهو ميت وسبحان الله ماعرفت ان الفقس السبب وبعد سنوات تعب طفل لها وتقول حطيت لها فقس. ولاابح عليه الصبح الا وهو ميت وبعدها عرفت انه من الفقس لانها تقول الاثني كلهم الفلونزا الي جاتهم عاديه تجي اخوانهم وعادي يتجاوزونها بس سبحان الله حطت لهم الفقس وكان سبب وفتهم 

وانتبهي لنقطه انا بنتي البكريه والله كانت تتعب وانا مابي اعطيها ادويه اقول بتضعف مناعتها وكانت تطول تعبانها واذا اجبرني ابوها ووديناها المستشفى اعطيها مسكن وبخاخ الانف فقط والمضاد والادويه الثانيه ماعطيها وتتعب مره واذا انهدت وانهديت انا معاها انجبرت اعطيها مضادات وادويه قويه وبعدها كلمتني حرمه كبيره بسنها ونصحتني وقالت انتي وبنتي تسوون نفس الخلط خطاء كذا اول مايتعب الطفل وديه على طول المستشفى غالبا بيعطونه ادويه خفيفه حتى لو احتاج مضاد راح يكون خفيف وتريحين الطفل وترتاحين اما تتركينه لين يتعب مره فراح يعطونه ادويه قويه تضعف مناعته بقوه واخذت بنصيحتها والحمد لله ارتاحوا وارتحت الان على طول اول مايتعب على المستشفى وخصوصا الفتره الاخيره صارت فيه امراض تخوف فنصيحه اول مايتعب طفلك عالجيه بالطب والشعبي ولا تتعارض