طمنوني علي ولدي

السلام عليكم يابنات حواء
ولدي. عمره اربع سنوات ونص شكيت ان فيه توحد وديته مستشفي الحبيب وقالي الدكتور مافيه شي ولاتطمنت ورحت فيه مركز الامير ناصر وقالو لي يدخل علي اربع دكاترة والكشف ب900 ودخل علي الاول ولثاني وقالو لي ما يحتاج يدخل علي الدكتور الثالث لانه مافيه شي ودخلت علي الدكتور الرابع دكتور نفسي وجلس يراقبه قال مافيه شي يبيله تعديل سلوك فقط لانه بائن عليه الدلع وانا فعلا دلعته وخربت طبعه مره .
اقول لكم الاشياء اللي شككتني انه يتكلم بس مهو طلق بالكلام لعبه غريب يجمع الاوراق اي مكان نروح له يهتم بالأوراق سواء صراف او فاتوره يجلس يصيح لين يأخذها ويلعب فيها وبعدين ينساها او يلعب بكرتون اي شي نج يبه من بري علي طول يفضي اللي فيه ويلعب فيه الاطفال يمسك شعر البزر مايتركه لين افكه منه اللي يغلط عليه فقط او فيه عاده اذا جانا وحده من خواتي وقالت للبزارين لا تخربون كذا يجئ هو طاير ويضرب يالله نبعده منها كانه يستحي الحمام ما تعلم الي الان وانتم بكر امه البول اشوي يعرف بس البراز عنده سلس براز طبعا كل شي تغير فيه بعد ماجاء اخوه علي أني انا مدلعنه مره وأي شي يبغاه اجيبه له
طمنوني علي الرغم أني وديته الااني احس فيه شي غريب الحين متوهقه بالروضة هذي السنه احسه اصغر من عمره مادري شلون يبي يستوعب الدراسه الله يخلي كم اللي تعرف لحاله مثل ولدي تطمني