السلام عليكم ورحمه الله وبركاته
مسائكم ورد ..
حبيت اطرح مشكلتي هنا وياليت تساعدوني
انا متزوجه صار لي فتره وللحين ماصار حمل الحمدلله على كل حال
انا الدوره متلخبطه عندي من ايام العزوبيه يعني شهر تنزل وشهرين والا ثلاثه ماتنزل
وعلى هالحال وماتحسنت بعد الزواج نفس المشكله ظليت 4 شهور مانزلت الدوره وبعدين
رحت للدكتوره وقلت لها مشكلتي وعطتني حبوب دفاستون عشان تنزلها وسوت لي سونار ولقت تكيس صغير عندي وسوت لي تحليل هرمونات
وصار تحليل هرمون الحليب والغده كويس بس باقي هرمون حق التبويض اللي لازم احلله ثاني يوم من الدوره
بعد ماخلصت الحبوب ظليت 4 ايام ونزلت الدوره ورحت ثاني يوم سويت تحليل التبويض وصار عندي ضعف في التبويض
بس مو بنسبه كبيره على كلام الدكتوره وبعدين عطتني الدكتوره حبوب جلوكوفاج حقت التكيس و منظم الدوره و حمض الفوليك واستمريت على الحبوب
لين جاء الشهر اللي بعده ونزلت الدوره وسويت سونار والتكيس الحمدلله بفضل الله تعالى راح وبدت الدكتوره تعطيني كلوميد وابر منشطه
واخذت الكلوميد من 3 يوم من الدوره او 4 يوم وبعدين بديت اخذ الأبر يوم ايه ويوم لا لين وصلت 4 ابر وكل شوي اشيك على حجم البويضه
يوم وصلت للابره الرابعه في اليوم الـ 12 من الدوره صار حجم البويضه عندي 13وباقي البويضات صغار قالت الدكتوره بعطيك ابره كمان وعطتني ورحت لها بعدها بيوم وشيكت على البويضه صار حجمها
16 وزياده شوي قالت استني لين توصل 18 بكره تعالي واعطيك ابره تفجريه رحت لها اليوم الثاني بالليل وشافت الحجم وماتغير وقالت ماراح اعطيك
انا صراحه خنقتني العبره كنت متحمسه ومتفأله ومررره وتحطمت وسألت الدكتوره قلت لها الابره التفجيريه لها مضار قالت لا فقلت لها اجل ابيها بتوكل على الله
وبتفأل خير .. لأني قريت كذا موضوع بالنت عن نفس حالتي وفيه بنات حملوا من بويضه حجمها 16 ماشاء الله فقلت يمكن ربي يكتب لي
بصراحه انا حيل قلقانه طمنوني هل البويضه اللي حجمها 16 لا انفجرت وتؤدي لحمل والا لا انا لي اسبوع من اخذت الابره وجالسه على اعصابي والتفكير ذابحني
لاني متشفقه حيل ابي طفل يملئ علي حياتي ، والدكتوره عطتني حبوب دفاستون وقالت لي اذا خلصت الحبوب وجلستي كم يوم ومانزلت الدوره يمكن تكونين حامل
بس اذا نزلت الدوره فالله يعوضك دعواتكم لي بالحمل السليم الطيب المعافى ..
ebtesam2013 @ebtesam2013
عضوة جديدة
يلزم عليك تسجيل الدخول أولًا لكتابة تعليق.
العفيفيه
•
الله يرزقك
الله يفرح قلبك ويرزقك الذريه الصالحه يارب ولايضيع لك تعب
شوفي اصبري بعد الحبوب اسبوع كامل يعني 7 ايام ان ماجات سوي تحليل على طول ويااااااااااااااارب حمل باذن الله
استغفري وادعي في صلاتك والله كريم
شوفي اصبري بعد الحبوب اسبوع كامل يعني 7 ايام ان ماجات سوي تحليل على طول ويااااااااااااااارب حمل باذن الله
استغفري وادعي في صلاتك والله كريم
الصفحة الأخيرة