طمنووني اول مره اجرب اشعة مؤلمه كذا وبهالحركات الا تسويها الدكتوره !!!😰😰😰😰

السلام عليكم
أنا حامل في الرابع وهذي المره صرت اتابع في مستوصف والدكتوره كل مره اروح تعمل لي اشعة ونظامهم في نفس العياده وهي نفسها الدكتوره الا اتابع معها تعمل الاشعه ..المهم ان لما تعمل لي الاشعه تألمني وتظل تحوووس لفتره بالجهاز على بطني وتضغط وبيدها بعد تشد بطني ومرات بالجهاز نفسه وتظل تطالع ولا تتكلم كثير وتخليني استلقي على جنب ونفس الشي تدور بالجهاز وتضغط ومرات تهز بطني :confused- يعني وهي ماسكه الجهاز تهزز فيه وبالتالي تهز بطني وتألم واخاف يتأثر الجنين وانا احسب انها بكذا رح تخبرنا شنو جنسه لان زوجي يسألها وتظل تحاول وفي الاخير تقول مو باين :confused- بعد كل هالحوسه والشد والهز الا تسويه مو باين بعد جنسه .. هذا مش اول حمل لي لكن اول مره اجرب اشعه كذا 😔😔😰 واول مره اصلا اجرب هالدكتوره .. وفوق هذا ماتسمعنا نبض الجنين تكتفي بالاشعه ومن غير ماتوضح لنا نبضات قلبه مثل مامتعوده من قبل في المواساه وحتى مره اصر زوجي يبي يسمع نبضه بالجهاز المخصص الا قالت انا يهمني الاشعه اكثر وبعدين حاولت تسمعنا ظلت مددده تحوووس فيه بعد عشان تسمعنا النبض وتألمت لانها صار تشد في بطني بيدها ويدها الثانيه تضغط بالجهاز 😰بنات صرت اوسوس خاايفه مرات اقول هي اصلا ماتعرف ومرات اقول شكلها خايفه تقول جنس الجنين بعد ماوضح زوجي شنو يبي ومرات اوسوس ان صار شي في الجنين من اشعتها الا تألمني .. بنات طمنووني اخاف يتأثر الجنين بالحركات الا سوتها في الاشعه لاسيما انها تهز بطني حتى بناتي كانوا معاي علقوا على الحركه هذي وخافوا على الجنين بعد لا يصير فيه شي 😰😰