طمنووووني وريحووووني // بكرية مدري وش الطبخة

سلااام علييكم حوائيات

كيفكم ؟

بكرية ومبتلشة بنفسي وهمي الولادة :(
بس يجي طاريها تدمع عيني :(

طمنوني الله يطمنكم
وبسألكم سؤال مدري بتفهمون والا لا بس اتوقع كلكم مارين بمرحلتي وعارفين كيف الوحدة تكون ضايعة

الحين الولادة وش أصعب شيء فيها ؟
وقت الولادة نفسها ( يعني والبيبي يطلع ) والا قبلها بيوم والا بساعات والا الططلق والا الخياطة والا ايش بالضبط ؟
انا عارفة انو الناس تختلف بس بالعمووووم ايش اصعب شيء؟

والولادة نفسها كم تاخذ من وقت ؟
يعني اذا انفتح الرحم وكل شي لين ما يطلع البيبي كامل ,,
10 دقايق - نص ساعة - ساعة - ساعتين ؟؟؟؟ كمممممم ؟ :(
أفكر افتح مقاطع ولادة طبيعية عشان اريح نفسي بس خايفة ازيد على نفسي واخاف اكثر
غير كذا خايفة حرام علي اشوف عورات من دون ضرورة .

ووو بعد الخياطة وهذا كل الناس يصير لهم هذا الشيء والا اللي ما ينفتح رحمها يفتحونه ويخيطونه ؟
هع احسكم مب فاهمين شي وبتضحكون علي
خلوني اعيد السؤال بطريقة ثانية
انا بس اسمع عن الخياطة بعد الولادة واتخيلها انو يكونون فاتحين هذاك الشيء ويخيطونه صح هذا الكلام والا كل الحريم يحتاجون ينفتحون بالموس ومدري ايش ؟ :(

خلصنا من اسئلة الولادة هع

الحين عن الحمل
انا احسب اني خلصت من الوحم وفرحاااانة انو خلصت الاشهر الاولى وهالايام اشوفه راجع
امس زوجي حط عطر اموت عليه عادة وامس اقول له وش هذا العطر ؟ جاااااااااااااب لي غثيااااااااااااااان

فيه احد مثلي يجيه وحم متأخر ؟


مممممم وباسألكم بعد عن التشققات
متى تبدأ تطلع ؟
قبل الولادة ؟ بعد الولادة ؟ بالأشهر الأخيرة ؟ الوسطى ؟ الأولى ؟


باشوف الناس مثلي والا غير ؟



وايهم اسهل العملية والا الطبيعي ؟
استغفر الله تجيني حالات ودي يكون عمليه اريح لي بعدين اذا تذكرت اني باتعب وباتقطع بعدين يقررون لي عمليه استغفرت ربي
مدري احيانا اغبط اللي يولدون عملية بس خايفة لانه اول واحد ماراح يكون عمليه الا اذا اني متعذبة فماودي يصير لي شي

الحين نجي لبعد الولادة
صدق الرضاعة تمنع الحمل ؟
زوجي ما يببببغى موااااااااااانع :eek:
طيب كيف امنع الحمل اي شي طبيعي عادي اسويه بس حبوب لولب مدري ايش مرة رافضها ولو اخذتها وماهمني ثمن جاني شي باندم قددد شعر راسي
المهم انا اللي اعرفه ان الدورة ماراح تكون منتظمة وصار غلط وهي منتظمة شلون عاد لو ما انتظمت
عشان كذا فكرة الابتعاد عن ايام التبويض ومدري ايش بشيلها من راسي
والواقي مو عملي

طيييييب باقي الرضاعة قلت ان شاء الله لو ارضع سنتين بس خله يمنع :22:
اتذكر مرة حرمة كبيرة تقول اني ارضع عيالي واحيانا ما أدري وابقى ارضعهم وانا حامل ثمن اذا عرفت اني حامل وقفت الرضاعة
شلووووووون يعني الرضاعة ما تمممممنع ؟ :09:


ريحوووووا رااااااااااااسي الله يريحكم

عارفة اني دوختكم مثل ما اني منحاس راسي بس حطيت لكم الأسئلة أو زبدة الموضوع بالأحمرررررر عشان اللي بتجاوب أسرع لها تشوف اسئلتي وتجاوب عليها
والله يجعلها بالجنة ووالديها اللي ترد يااااااااارب ويسهل عليها اذا حامل ويرررزقها بر اولادهاااا ويقر عينها فيهم ويحقق لها كل مطالبها

الله يعيييييييييييييييين ويسهل يااااااارب