طمنو قلب اختي ع ولدها :(

السلام عليكم ورحمة الله وبركاته
كيف حالكم ان شالله بخير 
الله يجزاكم خير حابه استفسر عن ولد اختي عمره 21يوم واختي ماوقفت دمعتها من اول يوم ولدت فيه والمشكله ماعندي احد اساله وارجع له ممكن يفيدني غيركم .. خصوصا ان امي تعبت علينا فجاه ونفسياتنا تعبت مرره ومافيه احد يقوم بامي واختي غيري الله يشفي امي ويقومها بالسلامه هي واختي ..المشكله ياطويلات العمر ان ااختي لما جت تغير لولدها البامبرز تكرمون لاحظت ان ولدها جلس يصيح ويتعصر او يتحمى وبعدها بشوي طلع البول منه بشكل متقطع وفتحة البول عنده لونها احمرررر مررره خاصه اول الايام واللحين خف الحمار لكن يصيح قبل لايتبول اخذته اختي للاستشاري حق الاطفال اللي تابعه من ولادته وقالت له عن المشكله وقال لها ان فتحة البول عنده ضيقه ! واذا ختنتوه (طهرناه ) ان شالله تنحل المشكله ؟! واليوم  سألت اختي دكتور مسالك بوليه  عن طريق النت وقال لها انصحك تعملين له سونار للكليه والمثانه ومسالكه البوليه
والى يومكم هذا والولد لازم يصيح عند التبول وبصعوبه يتبول والدكتور قال لها لاتختنين الابعد نتايج التحاليل والى الان ماطلعت نتيجته واختي تبكي ودموعها اربع اربع وضايق صدرها حتى ماتنام بالليل من التفكير فيه كل ماطليت عليها القاها جالسه تهوجس وضايق صدرها حتى معد تشتهي تاكل   
انا خايفه عليها وعلى ولدها اللي سمعت بنفس حالة ولدها ياليت ترد علي عشان اريحها ولكم دعوه بظهر الغيب واختي حالفه انها تتصدق عن اللي بتطمنها  او سمعت بنفس حالة ولدها واللي تعرف دكتور مسالك بوليه ممتاز ليت تدلنا عليه 
طولت عليكم عسى ربي يوفقكم 
واللي ماعندها خلفيه ليت ماتطلع من الموضوع الا وهي داعيه لامي وولد اختي بالعافيه