طنين الأذن والحمل

انا من قبل الحمل لاني كنت انظف اذني بعود الاذن وهذه جدا جدا خطاء الاذن تنظف نفسها بنفسها سبحان الله سمعت دكتور يتكلم عن خطر اعواد الاذن ويقول انو الشمع في الاذن مثل الظفر تطول للخارج وتخرج تلقائي بس انتو نظفو من الخارج لان الاعواد لما ندخلها ندف الشمع على جوه وتبدأ تتراكم ومن يوم ماتركت حركت اعواد الاذن الحمدالله خف بنسبت 70 بالميه 


بس اذا جاك فجئه في الحمل انصحك تراجعي دكتورت الحمل .


والله يشفك ويعافيك وتقومي بسلامه

حبيبتي طنين الاذن او الهواء ابدا ماله دخل في الحمل
يجي في اي وقت لم تحافظي على نفسك مثلا اخذتي شور وطلعتي عند المكيف مباشره او بالحوش
او كنتي في المطبخ وحر وفروة الراس تعرقت ورحتي عند المكيف
او كان عليك العذر الشرعي ومشيتي على سراميك بارد
هاذي اسباب الهواء
علاجه حبيبتي جدا سهل وياليت تسوينه بأقرب وقت قبل لاينتقل للرأس ويدوخك صدق

سوي كبو اي كبو تحبين اغلي ماء وحطي فيه الاعشاب اللي تحبين
او اغلي ماء في قدر صغير علشان الامان ماينكب عليك ولا شي < والامان من الله
وحطي فيه كمون + مر + حلبه
سكري النار وعلى طول اخذي المنشفه حقتك وطيحيها على راسك يعني بتسكرين على راسك مع القدر
وتكون المسافه بينك وبين القدر شبرين اهم شي يوصل لك البخار مو تحرقين نفسك
وتبدين تبخرين اذانيك
تحطين الاذن اليمين صوب القدر وانتي اعلى طبعا وتعدين 10 ثواني ثم تنتقلين لليسار وتعدين 10 ثواني
تكررينها 5 مرات
وبسرعه بعدي القدر عنك ولفي المنشفه على راسك كامل مع الاذاني يعني تغطي ونامي بمكان مافيه مكيف
مو تقعدين تتفرجين على اللي عندك لانك طالعه من بخار خليك دافيه شوي وسكري على نفسك

ويارب ماتشوفين الا العافيه وعادي تكررينها كم يوم لمن تحسين براحه او تحسين الهواء خرج من الاذاني
عند خروجه يطلع صوت بقبقه
الطريقه حلوه لهواء الراس والاذاني
# واللي حابه اطلع الهواء من جسمها كامل ماعليها الا تدهن بزيت الزيتون كامل الجسم وتلبس بجامه ثقيله شوي وتقعد في مكان دافي يعني بدون مكيف ماشاء الله هاذي حتى تطلع البرد من الجسم وتوقف الحراره والزكمه

ألف شكر حبيباتي

رفع

انا جاني وانا حامل وربي اصحى من النوم اقول وين صوت القطه تخيلي كانه صوت قطه ف اذني ولما تاكدت طلع طنين ف الاذن ورحت المستشفى قال الضغط مرتفع عندك روحي شوفي الضغط لازززم