طهارة القلب هاليومين

انا زعلانة من الناس كلهم كلهم بلا استثناء
وصايره ما أعذر احد وكاني انتصر لنفسي من غلطات في حقي من جهتهم بس بعد سنين !
يعني كنت اول يغلطوا علي اللي اقابل السيئة بالحسنة وكنت معتقده اني اتعامل مع الله
وهو فعلا ما كنت انتظر منهم مقابل بس سنة بعد سنة لاحظت انو الناس ما تنفع معاهم الطيبة والاخلاق الحسنة
ماني عارفه ايش اعمل صاير قلبي كأنه بير شايله وزعلانة مرررررررا حتى جوزي زعلان مني ويقول انت قلبك اسود :06:
ايوه دحين أنا قلبي اسود ويقلي الناس ما دريوا عنك دحين فيه مناسبة والكل رايح الا انا ماني رايحه
وهي كبيرة لو ما أروح بس ولا أهتميت بس من جوا متضايقه اني صايره كده
نفسي ارجع زي اول ايام ما كنت زي البفته البيضاء :06:
وفي الوقت نفسسه ما ني قادره اتحمل غلطاتهم في حقي
وصاير ازعل عل اتفه سبب دلوني ايش اعمل وكيف اطهر قلبي
دحين لو عاملتهم بنفس اسلوبهم اتعب ولو مشيت عل نفس اسلوبي أول كمانه أزعل ..؟.
استغفرت كتيييييير لعل وعسى ارتاح
نسيت اقلول لكم انهم فهموا تعاملي الأول انو طيبة وسذاجة وقالوها في وجهي ؟
انا زعلت كتيييير انا ماني غبية أوفيني سذاجة يا لطيف الطف بس المسألة انو اتربيت في بيت يتعامل كده
وكمان أول ما سجلت هنا قلت اسوي متل الناس ما يسووا معااااااااي كنت اتكلم وارد على هادي وهادي ولا يهمني زعلتها او جرحت مشاعرها
وكنت اقول في نفسي لا زعلي نفسك ما الناس تجرح فيكي ولا تهتم في مشارعرك :(

الله يطهر قلوبنا قولوا مين