طولي وثخني وكثفي شعرك بثلاث خطوات بدون ما تدفعي رريال واحد

السلام عليكم .. كيفكم بنات حواء


انا اكتبلكم مواضيع كثيره وكالعاده ما حد يكتب كلمة شكر حتى .. ما علينا اهم شي تستفيدوا
اليوم بخبركم ثلاث عادات تسوينها يوميا وتنسين نفسك شعرك بيطول بمعدل من 4 _ 7 سم بالإسبوع حسب طبيعة شعرك
بس اهم شي بيتزحزح من مكانه وبينبتلك شعر جديد وعن تجربتي انا ( شروق ) يعني الموضوع مو منقول
اول شي يوميا قبل تنامي فكي شعرك واقلبي راسك ( الحركه الإنشكاحيه ) وودلكي فروة راسك كلها 5-10 دقائق
وبعدين ارجعي مشطي شعرك ونامي .. يوميا تسوين ذي الحركه بدون زيوت ولا شي بس تدليك *
ثاني شي ..
الضفاير وما ادراكي ما الضفاير
اجدادنا كانو يضفرون شعورهم وكانت شعورهم طويله وكثيفه وكانو يضفرو شعورنا واحنا صغار بعد وشعورنا كانت حلوه .. بس الحين من باب التحضر ما صرنا نضفر وانعدمت شعورنا !
اللي تخاف من التموجات بس تغسلي شعرك او تمشطيه بتروح يعني ماهو عذر
طول ما انتي جالسه ضفري على جنب مره وبالنص مره اقسمي شعرك نصين وضفريه يعني نوعي على كيفك بس لا تترك الضفاير شعرك وبتشوفين
اخر شي هو نفس الحركه الاولى مع حمام الزيت
لما تجي تسوين حمام زيت باي زيت مهما كان سوي الحركه الإنشكاحيه واقلبي راسك 5 دقايق هذا الشي بيساعد على تدفق الدم والله انها حركه معجزه !! .. فظيعه لتطويل الشعر
افضل شي لو حمام الزيت 3 مرات بالإسبوع مع الحركه البهلوانيه نتايجها روعه روعه
انا من كم يوم نزلت موضوع ابغى وصفه تطول الشعر لان عندي عرس
وطبعا ما حد افادني عشان كذا طقيت بحث بجوجل وقريت عن الثلاث اشياء ذول
ومستمره ان شاء الله .. اللي خلاني اثق فيهم ان امي لما قلتلها ضفريلي شعري سالتني من متى وانتي تحبين الضفاير ؟ بصراحه انا ما كنت اطيق الضفاير احسها قديمه هع
قلتلها قريت تطول الشعر وافقتني وقالت ان مو بس تطول الشعر كمان تثخنه .. من وقتها وما فكيت ضفيره الا وسويت وحده ثانيه
صار لي 3 ايام
يلا قومو ضفرو شعوركم واتبعو الحركات ذي :) الله يصلح شعورنا كلنا ويجعلها متدليه لين الركب ياارب حلم كل بنت :-) :-)
اسفه لو طولت .. في عاية الله