السلام عليكم
بنات انا كنت متردده كثير اني اكتب مشكلتي
بس ثقتي فيكم ومن ردودكم حسيت انكم حريم تخافون الله قبل كل شي
وتبون الخير للكل الله يجزاكم خير ..
المهم مشكلتي واسمحولي اكتب قصتي بتفصيل علشان ردودكم هي اللي بتكون حازمه بحل مشكلتي
ان شالله انا ياطويلات العمر متزوجه من خمس سنين وعندي اولدين الله يصلحهم وحامل بالسابع
والحمدلله الله رزقني بزوج طيب وكريم ومتفاهم الكل يحسدني عليه وانا الحمدلله مااقصر معه بشي وطيبه معه واحبه واحترمه واقدر ظروفه وشايلته بعيوني ومهتمه فيه وفي بيتي واعيالي وباهله بس اكثر مشاكلنا كانت بسب اهله والمشكله اننا صار لنا سنه ساكنين مع اهله هم بالدور الارض واحنا بالدور الثاني ويفصل بيني وبينهم باب وهم ماشالله واجد لابناتهم ولااعيالهم وبيتي مايفضى منهم 24 ساعه عندي واذا الباب مفتوح ادخلو بدون استئذان ويجلسون البنات على التلفزيون ساعات طويله وانا والله ماني قادره اخذ راحتي بشي لا اقدر اللبس ولاانام ولااكل واذا الباب مقفل يدقون يكسرون الباب لين افتح غصب وحيان الوقت يكون غلط الظهر الصبح الليل وشي تافه وحتى غرفة النوم يدخلونها البنات وبدون ماادري والمشكله حتى اخوانه الكبار يدخلون بيتي وغرفة نومي اذا انا نزلت عندهم تحت يرحون كلهم بناتهم واعيالهم اللي بالصاله واللي بغرفة النوم واللي بالمطبخ وغير الاغراض اللي تنقص والوسخ والخراب والمشكـــــــــــــــــــــله زوجي!!!!!!
يزعل مني اذا انا تكلمت ويطلعني انا الغلطانه وعنده الوضع طبيعي والمشكله عندي انا اني ماابي العرب والله يابنات احس اني مخنوقه في البيت من اهله حتى اعيالي تعلمو منهم اخس الطبايع
وفي اليوم اللي صارت فيه المشكله كنت زعلانه منه قبلها بيوم لانه كل ماجينا نطلع لسوق يجمع اخوانه الصغار 4 مااشالله مع اعيالي 2وانواع الازعاج وانواع الطلبات وقلة الادب طبعاّزعلت بطريق وقعدت ابكي والله بقهر ولاهمه
بس للامانه مارجعت البيت الاوراضاني بس كان الوضع خانقني احس بضيقه من البيت واهله بشكل موطبيعي ابي ابكي وبس واليوم اللي بعده اجتمعو خواته واخوانه ماشالله فوق ال11 واحد عندي بالصاله على التلفزيون ومعلين على الصوت وانا مااحب الازعاج ورحت عنده بغرفة النوم وهو جالس على الكمبيوتر ورافع الصوت وانا بصراحه كنت مضايقه والاعرفت وين اروح لانى بيتي صغير غرفة نوم وصاله ومطبخ وحمام والاباقي من البيت سطح فـارحت اغسل الملابس اشغل نفسي وارجع عنده ابي اقراء قران مو قادره من الازعاج فاجلست عنده وصار يضايقني بكلامه واستهزاءة يقول انا بتزوج عليك انا ازين منك انا وانا وسكت والله مانطقت بكلمه وطلعت اكمل شغلي بعدين هو راح وطلع اهله من البيت وصرنا لحالنا وجاء عندي يتلزق وانا قلتله وش تبي فيني اللحين وين كلامك اللي قبل اشوي وزعل ورجع يعيد الكلام انه بيتزوج وانا بصراحه انفجرت وقعدت ابكي واقوله ابعد عني وقالي انتي قليلة ادب اهلك ماربوك وجلست اصرخ بوجهه ابعد عني وبعدها ضربني كف على وجههي واول مره يضربني وطيحني على السرير وانا دفيته وصار يضربني بكل مكان وانا بصراحه بعد ضربته وشقيت فلينته وصار يسحبني من شعري وانا حامل بالرابع ودخلني الغرفه وقفل علي وخذاء الجوال مني وراح وخلاني اعيالي جاو عندي ويبكون وماني قادره اسوي شي جات وحده من خواته وقلت لها تنادي عمي اللي هو ابوه راحت ولاجت بعدين كلمت انا اهلي كان عندي الثابت واهلي بعيدين بين وبينهم 400 كيلو كلمت اخوي وقلتله يجي وماقصر والله كلمته الساعه 11 بالليل وعلى طول ركب سيارته وجاء ووصل عندي الفجر واخوي قبل لايجي كلم ابو زوجي وقاله خل اولدك يفتح الباب لاختي وجاء زوجي وهو زعلان فتح الباب وبعدين رجع وخذاء العيال وراح ووصل اخوي وجلس ونادى ابوزوجي وجلسنا نتفاهم وخليته يشوف جسمي كيف صار من الضرب كان انواع الكدمات وهو يدق على زوجي وكان مقفل جواله وجلسنا ننتظره اللين المغرب ماجا ء وجواله مقفل والعيال معه وقال اخوي لازم ترجعين معي والعيال عند ابوهم ورجعت لاهلي واحنا بالطريق يدق ابوه على اخوي وبقوله انا زوجي راح لنجران عند اخوه وماخذ العيال من
الرياض لنجران بدون ملابس وجزم حفايض ورضاعات وطبعاّ الكلام هاذا اخر ارمضان جلست عند اهلي مااعرف شي عن اعيالي وبدون جوال وحالتي مايعلم فيها الاالله بس الحمدلله الله استجاب دعائي فرح قلبي بشوفتهم يوم العيد جابهم عمهم عندنا وزوجي كان معهم بس مانزل عند اهلي نزل بعيد علشان مايشوفونه اهلي
وانا الى يومكم هاذا وانا عند اهلي مادق علي ولا سال بس ارسل مصروف مع الرواتب
وانا اللحين ابي رايكم ابادر انا بالصلح او اكمل ازعلي تكفون عطوني حل
واعذروني على الاطاله ...
ام ولدها1 @am_oldha1
عضوة نشيطة
هذا الموضوع مغلق.
أأحلام
•
السؤال مو إنك تبادرين بالصلح أو تكملين زعل
مو هنا المشكلة
السؤال هو
هل بتتحملين أهله وتصرفاتهم
بعد ما ترجعين
ولا تتذمرين منهم
لأن الرجل شكله
راضي عن أهله
وحاط فكرة الزواج في رأسه
والدليل تهديده لك
فكري و الكرة بملعبك
مو هنا المشكلة
السؤال هو
هل بتتحملين أهله وتصرفاتهم
بعد ما ترجعين
ولا تتذمرين منهم
لأن الرجل شكله
راضي عن أهله
وحاط فكرة الزواج في رأسه
والدليل تهديده لك
فكري و الكرة بملعبك
الصفحة الأخيرة
رفع لعيووووووووووونك يالغلااااااااااا