لوزة الأمورة :

الحين ضاربك ضرب مايضربه واحد عاقل وانتي حامل وفوقها تقولي ابادر بالصلح مدام بتبادري ليش سويتي كل هاللجة كان خليتيه يضربك لين ماتقولي بس وبعدها رحتي تعتذري منه لاوالثانية تقولها خلي اخوك يوديك لبيتك وانتي غلطانه انك شقيتي فلينته ياحرام هو شقق جسمها بالضرب عادي لكن هي تشق فلينته هذي فيها قصاص الله يعينكم على نفسكم وعلى تهاونكم على حقكم اذا كنتي تبغي تردي لنفس الوضع وبتنضربي ثاني وثالث دقي عليه واعتذري لكن لاتشتكي لأي احد بعد كذا لأنه ماحد بيوقف معاك وخصوصا اهلك لأنك اتصرفتي من وراهم وحتى زوجك بيسترخصك بزيادة لأنه عارف انه بيضربك وبتسامحيه انتي الحين حامل انتظري لين ماتولدي جا وسأل كان بها خلي اهلك يقعدوه ويحطو شروطك ولو ماسأل ولادق بعد ماتولدي وتطيبي خلي ابوك يدق على أبوه ويقوله بنتنا عندنا ومكرمينها وشايلينها بعيوننا لكن نبغى نعرف شو بيكون الوضع ولدكم يبغاها يجي نتفاهم معاه واهله معاه ولا زي مادخلنا بالمعروف نطلع بالمعروف ولا جو خليه يعتذر لأبوك عن ضربه ليكي واطلبي رضوة لاتقولي ماعنده ومن هالكلام لأنه لو بغى زوجك يتزوج بيطلع الفلوس وانتي قلتيها قالك باتزوج ومااستحى منك ولامن نفسه ومن وضعه المادي عشان تعرفي ان الرجال لما يبغى يدبر الفلوس يدبرها لو من تحت الأرض لاتطلبي سكن مستقل لأنه مأمنه فايدة لأنك قلتي انك كنتي مستقلة وصاحب البيت طردكم بسبب اهله اللي كل يوم ينطو عندكم يعني البعد مامنعهم من جيتهم عندكم يعي لازم اهلك يشرطو ان إخوانه مايدخلو بيتك الا للضرورة وخاصة الأولاد واللي يبغى يجيك يجي في اوقات محددة مو طول اليوم ولما تبغي تخرجي تخرجي لوحدكم مو كل ماخرجتي يقش الفريق كله معاكم ولارجعتي خلي في حدود بينكم الباب لاتفتحيه لين مايتكسر اخوانه الكبار مايدخلو عندكم الا للضرورة انتي سوي الحدود ولاتستني زوجك هو اللي يبادر وحطي في بالك اللي مايستحي منك لاتستحي منه

الحين ضاربك ضرب مايضربه واحد عاقل وانتي حامل وفوقها تقولي ابادر بالصلح مدام بتبادري ليش سويتي كل...

ناس في هالدنيا :

ربي يفرج همك ويكتبلك الي فيه الخير ويسخرلك خلقه لاتبدئين بشي انتي بموقع الانتظار وبس لكن وين اهله؟ ايش دورهم بالموضوع رده فعلهم ؟ خطواتهم لتصليح الامر؟ انتي واهلك كلكم بوضع الانتظار والخطوه تجي منهم اذا ماجاء شي فاهلك هم الي ينادونه مع اهله .. يعني ابوك او اخوك يجتمعون فيه مع ابوه واخوانه الكبار اذا عنده اخوان كبار الموضوع مو سهل .. ضرب واهانه وحبس طبعا السكن وموضوع اهله يدخلون البيت والازعاج وكل هالاشياء ماهي اساس بالمشكله لكن يبيلها حل المشكله الاساسيه الضرب وانه ياخذ الاولاد خط سفر من غير لا احد يدري لاسمح الله صار لهم شي بالطريق ومحد داري هم فين لاتجيبون سيره البيت والاهل بالاول .. خلي كلام اهلك كله عن اهانه الضرب علشان ماتصغرونها وتقللون من اهميتها بطرح موضوع ثاني فيه حكي كثير بعد ماتوضح الامور بالنسبه للمشكله الاساسيه انتقلو للمشكله الثانيه ممكن بنفس الجلسه لكن اهم شي بعد ماتخلصون من موضوع الضرب لاتخلطين المشاكل ببعض اعطي كل مشكله حقها ربي يسخرهم لك ويكتبلك راحه البال

ربي يفرج همك ويكتبلك الي فيه الخير ويسخرلك خلقه لاتبدئين بشي انتي بموقع الانتظار وبس لكن وين...