احمدي ربك انه ينام مو يطلع استرحات ولعب وسوالف والله كا تنقهرين صدق

الحمد لله
بس ليش حرام عليه والله حرام
بعدين ليش اقارن مشاكلي بالغير اللي فيني كافيني

الله يهديكم يابنات ..
البنت تبغى من يصبرها ويوجهها .. وانتم ماشاء الله عليكم ..

لايمكن تعميم التجربه على الجميع ولايمكن الحكم على الرجال بسبب رجل واحد ..

فالرجال مختلفون تماما مثل اختلاف النساء ...

ياختي الكريمه ..

ليش ماتحاولين تنقلين معه مكان عمله .. خصوصا لو كان به اماكن سكن ..

واذا كنت غير موظفه اعتقد بعد الزوجين عن بعض واستمرار هذا الروتين وقت طويل يورث الجفاء ..

الافضل انك تحاولين في هذه النقطه اقصد سكنك في نفس منطقة مكان عمله ..

وان شاء الله تجيب نتيجه .. لانك حاولت معه عن طريق التفاهم وتغيير طريقته ..

ولم يتغير .. اذا المفروض تحاولين تغيرين الظروف المحيطه بك ..

حاولي وباسلوب حلو .. ولاتنسي الدعاء

وانتبهي هناك امور ممكن تكون في زوجك مثل مثلا مرض معين او ماشابه ..
يعني لاتفكرين بطريقة القاء التهم عليه .. يمكن يكون يحتاج اليك اكثر مما تتصورين ..


ودعواتي لك

حااااااااااااوات مليون مره بس للاسف اصلا الراي مش بئيده

أختي الغالية ..

ادعي ربج يسخر لج زوجج ..

وحاولي تفهمينه بأنج محتاجتنه .. وانه ولدكم محتاج حنان أبوه ..

واطلبي منه يخصص لج يوم بس حقج .. ما ينشغل فيه عنج ..

أنا زوجي - الله يحفظه - هالايام دوامه بعيد عني بعد .. يروح الجمعة ويرد الأربعه ..

وأول ما يرد يروح عند اهله .. وعقب ايي .. وفليل سهرته مع ربعه وأخوانه ..

وكان على هالمنوال كل يوم .. ما اشوفه الا فليل .. وقبل لا يروح الدوام يسلم علي ..

بس يوم مليت .. قلت له لازم تغير نمط حياتك .. لأني مب دمية قاعده في البيت ..

ولأني ساكنة بروحي .. اضيج من الملل والوحده ..

وبتفاهم وبدون عصبية .. وبكل حنية الريال يصير خاتم في ايد الحرمه ..

وراعيه شوي اذا حسيتيه تعبان .. كوني قريبة منه ..

اسأليه عن همومه في الداوم ..

اقترحي عليه مثلآ : يوم الخميس يطلعج .. لا تقولين عشانج .. قوليله عشان ولدنا ..

يبى يصير شرات كل الأطفال .. يطلع مع امه وأبوه ..

قوليله ما نبى نحسسه بالنقص .. وانه فاقد حنانك ..

واطلبي منه كأنج رسول من ولدكم .. عشان يحس شوي ..

واذا في مجال تسيرين معاه منطقة قريبة من عمله .. وكل يوم يكون عندكم أفضل باعتقادي ..

وربي يسخره لج ان شاء الله ..

ويبعد عنكم كل سوء ..