أم آاآدم :

الله يعطيك الصحة والعافية يالغاليه صدقيني والله العظيم إنك في نعمة ماراح تحسي فيها إلا إذا سكنتي بيت كبير وكثروا اولادك الله يخليهم لك ويرزقك برهم ! ذيك الساعة راح تعرفي معنى الكرف الصحيح بس !! أنت مشكلتك بسيطة جداً اللي تحتاجية هو تنظيم للوقت فقط !! نظمي وقتك وخلي فية اولويات عندك ! يعني ليش طوووول الوقت مضيعة وقتك في الكرف ومقصرة بحق نفسك ! أنت كل اللي عندك ثلاث غرف وصالة !!!! لنفرض أن عندك مجلس رجال ومجلس حريم وغرفة نوم ! مجلس الرجال نظفية ورتبية وبخرية وقفلي الشبابيك والستائر وقفلية لا احد يدخله ! والطاولات حطي عليها بلاستيك المغاسل ! لبسيها هي واكسسواراتها بكذا بيضل المجلس عندك مرتب على طووول ويلق نظافه ! غرفة نوووومك .. بعد ماتقومي رتبي السرير وإذا فية شيء عالتسريحة والكومادينات شيلية ومسحيهم بمنظف المرايا وشوية زيت جونسون للأطفال يعطيهم لمعه ومايمسك فيهم الغبار لمدة طويلة ! رفعي غرفتك عالسريع وبهمة وإذا عندك ملابس تحتاج غسيل على طول عالحمام مفارش بنتك حاولي كل يوم تغيريها وتهوووي سريرها وأن كان فية امكانية تعرضيها للشمس بيكون كويس ! بخري غرفتك او شغلي فيها فواحة وقفلي الغرفة روحي لمجلس الحريم رتبية وزي ماعملتي بمجلس الرجال لبسي الطاولات اكياس الغسيل او حتى سفرة ! وكنسي وخلي منشرة الغسيل في زاوية بعيدة عن الجلسة ! وكل ماغسلتي شغلي البخووور بالغرفه ولا تقفليها عشان ماتكتم مع الرطووووبه ! بيصير عندك الصالة إذا هي جلستكم فشيء طبيعي بتكون ( بعض الأوقات مكركبة ) بس بما إنك بس أنت وزوجك وبنتك صغيرة فأعتقد أن الأمر هين ومسيطر عليه مو زي اللي عندها اطفال صغار في كل مكان يحوسوووون ويكركبون الدنيا !! شغل المطبخ نصيحة اشتغلي اول باول يعني اي شيء تطلعية اغسلية وبيدك منشفه نشفية ورجعية ! بكذا بيكون مطبخك على طووووول مرتب ونظيف ونفسيتك مرتاااااحة ! الحمامات بعد ماتصلي الفجر اغسليها ولمعي المرايا وأنت طالعة بخي فيها من اي عطر عندك بتضل طواااال اليوم نظيفة ورائحتها رائحة نظافه وإنتعاش ! وترى كل هذا مايأخذ منك وقت كثير على حسب سرعتك ممكن ساعة ساعة ونصف تكفيك تخلصي شغل شقتك كله لو أنت سريعه بالشغل !! التنظيف العميق حددي له وقت معين ! وخوذيها حبة حبة .. يعني كل يوم غرفه ! لا تجمعي التنظيف العميق كل بيوم واحد تهدي حيلك وتكرهي الشغل !! الله يعطيك الصحة والعافية يالغاليه ويفرجها علينا وعليك

الله يعطيك الصحة والعافية يالغاليه صدقيني والله العظيم إنك في نعمة ماراح تحسي فيها إلا إذا...