طول عمري أعاني.

السلام عليكم ورحمة الله وبركاته ..
انا عمري ٢٢ سنة ..
مدري داخلة اطلب منكم تساعدوني او داخلة افضفض او ايش بالضبط مدري ، اكتبلكم ودموعي تنزل .. انا يابنات طول عمري اعاني ، حياتي مره سيئة والحمدلله على كل حال ، والله يابنات الايام هاذي نفسيتي مره في الحظيظ مدري ايش اسوي تعبت والله تعبت ، من الابتدائي وانا أعاني ، كل كلمة اقولها محسوبة عليا وكأني وحده عمرها ٣٠ العب مع بنت جيراننا نمزح وتصير بيننا مشاكل تنحسب عليا بالحرف الواحد وامها تشوشها عليا ، عكس امي اللي جداً طيبة ودايما تقولي سامحي وماتدافع عني زي ما الامهات يوقفو بصف يناتهم ، لحد يومكم هذا انذل ع كل موقف وانا صغيرة ، فلانه كانت تسوي وفلانه شقية عكس اختها وفلانه وفلانه وكلام كثير ، ليش الناس ماتنسى ليش؟ ليش ترجعولي الماضي ليش تحاسبوني ع شيء سويتو بايام طيش او ايام ما استوعب فيها شيء ، في موقف صار وانا تقريبا ف الابتدائي او المتوسط المهم رحنا عند قريبتي وجلست تتريق عليا وتقول عيونك صغار وتستفزني واختي جالسة يابنات تضحك معاهم ماتقول شيء ولاكانها اختي ويوم بكيت ورحت لامي وقولت فلانه تقول كذا وكذا حتى اسألي اختي لما سألوها قالت مدري مالي صلاح وام البنت مره سوت حفلة وضربت بنتها وجرتها من شعرها بس عشان اشتكيت لامي لاني معرفت ارد عليها ووقتها مره ضميري انبني والكل لامني رغم اني صغيرة ولا ادري عن شيء ، المتوسطة .. كنت مع صديقتي وكونت صديقات جدد وشلة جديدة وكنت انبسط واتكي معاهم جات صديقتي المقربة جدا خربت بيني وبين الشلة والشلة صارو يكرهوني ولا يكلموني وعلاقتي فيهم خربت ، بعدها جات وحده قالت لوحده من الشلة كلام ماقلتو وخلت البنت تحقد عليا وتكرهني وواجهتني ووضحتلها الحقيقة ، بعدها الفتانه جات تستسمح مني وسامحتها ولا كانه صار شيء ، المرحلة الثانوية ... كانت تقريبا افضل مرحلة بس برضو صارت مواقف وحده تضيفني في اللبيبي وتطقطق عليا ومره قهرتني وانا اعرفها وهيا تحاول تخفي نفسها وواجهتها ف المدرسة وبعدها هجدت عني ، كونت صداقات وعلاقات الحمدلله كويسا ، من بين العلاقات في وحده الا تبا علاقة محرمه بيني وبينها ولما رفضت الشيء ذا زعلت مني وماعاد صارت تكلمني لاني تخاصمت معاها بسبب تحرشها وقلة ادبها ، وعلاقتي فيها مره عاديه حاليا من بعد ماكانت جدا مقربة مني وكلام ٢٤ ساعه ، وقعت بشلة فاسده لكن فيهم الطيبين والشلة قلبها مو على بعض محد داري عن الثاني بس انا و٢ منهم ندري عن بعض ونكلم بعض ، تخرجت من الثانوي بدأت اغير من نفسي احسن نفسي واثبت نفسي اكثر ثقتي زادت بنفسي زادت علاقاتي وكذا وصارت الناس تمدح فيني وفي طبخي واسلوبي وروحي المرحه ، جات اختي تقولي انا طفشت وانا اسمع المدح خلاص كل مكان اسمك فلانه وفلانه ، وانا ضحكت وانا مستغربة انتي اختي ليه تقولي كذا المفروض تفرحيلي ماصدقت لقيت ناس تحبني واحبها وايش ذنبي اذا مدحو فيني ؟ ، المهم بعدها حسيت المجتمع قام يرفضني من جديد اهل زوج اختي يتكلمو عني بسوء اغلبهم ويقولو مانطيقها واحس ثقتي بنفسي اتهزت كثير صرت ابكي كل يوم صرت كل يوم افكر بكلام الناس حسيت ان اسلوبي سيء حسيت اني كريهه صرت اكؤه احتك بالناس اذا قابلت احد قلبي يدق بقوة صرت قبل اما اقول الكلمة حتى لو لاهلي افكر الف مره فيها واقول ممكن تكون سبب في كره الناس لكِ ٢٤ ساعه مووصوعي الناس وكلام الناس واجلس افكر بيني وبين نفسي ليش يصير معايا كذا وليش انا كذا ليش عانيت ف حياتي انا ايش سويت حتى لما اقابل او اكلم احد جول الجلسة واقول مدري تقبلوني ولالا مدري يمكن لما اطلع يقولو فلانه كريهه صرت اقول اجلسي في البيت يمكن العالم تكرهك ماتتقبلك وانتي ناشبتلهم مره تفكيري صاير غريب مو قادرة اعيش حياتي كل يوم بكى وحزن دحين تقريبا لو احسب صديقاتي اللي من الابتدائي للثانوي ٥ او ٦ بس ساعدوني ايش الحل ليش انا كذا ؟