طول عمري اسمع بحمام الزيت للشعر .. وماجربته .. اشلون طريقته بالظبط ؟؟؟؟؟؟؟

حمام الزيت يا غروب .
هو انك تحطين زيت على شعرك اي نوع من انواع حمامات الزيت اللي تستخدمينها اوكي؟
بعدين جيبي فوطه بلليها بماء حار نوعا ما ولفي شعرك فيها وخليها لما تبرد ولأفضل النتائج وعشان ماتبرد الفوطه بسرعه بعد ماتلفين شعرك بالفوطه لفي فوقها بلاستيك من حق التغليف او غطيها بغطاء بلاستيك (طاقيه بلاستيك ) .
بس اما افضل انواع الزيوت ماعندي فكره بس اعتقد اي زيت شعرك مرتاح له مافيه زيوت معينه .
ايضا اختي ممكن تستخدمين حمامات الزيت الجاهزه مثل فاشكول وبوناويل هذي حمامات زيت سريعه تستخدم بعد الشامبو .وممكن تستخدمينها زي البلسم او مثل الطريقه اللي شرحتها لك فوق .
اتمنى اكون جاوبتك .

نفس كلام أختي حبر الورق.. بس اضافات بسيطه..

1- تغسلين شعرك بأي شامبو مناسب له..
2- تجيبين حمام زيت ( فاشكول بالثوم وااااايد زين وأحسن أنواع الحمام زيت ومناسب لجميع انواع الشعر واتحصلينه في السوبرماركتات والصالونات) واتحطينه في شعرج.. توزعينه يعني.. وعقب تيلسين تسوين مساج لشعرج لمدة ربع ساعه..
3- تجيبين فوطه دافئه وتلفين فيه شعرج..
4- تجيبين كيسة بلاستيك مالت الشعر.. وتغطينه..
5- حاولي في هالفتره انك تستحمين ولا تقرين مجله ولا تشغلين نفسك حتى تمر ال ربع ساعه أخرى.. حتى يبدى مفعول الزيت.. يعني تركيه علشعر في فتره ما بين الربع الساعه او 20دقيقه..
6- اغسلي شعرج بالماااااااااء فقط.. تشطفينه بالماي فقط..
7- تجيبين فوطه :) وتنظفين شعرج وبس..

حمام الزيت يطري الشعر تقدرين اتسوينه عن طريق جهاز البخار مال الشعر او

القبعه وانشالله بكتب حمام زيت صج صح وااااااايد حلو بس نطريني اشوي :)

تفضلي اختي راجعي هالرابط:)تعالوا شوفوا العجب

عزيزاتي حبر وورق .. بنك روز ..قطوه .. تسلمون على المشاركه كفيتو ووفيتو .. يعطيكم الف عافيه ..:):)اليوم اشنءا لله بجرب حمام الزيت ..;)