طول عمري ماحس الا اني عايشه مع حموله

السلام عليكم

يا بنات انا مرره ضايق صدري الحمدلله بس

انا ابوي وامي منفصلين من حوالي 9 سنوات وقبل انفصلوا بعد يوم عمري سنه وربيت عند جدتي ام ابوي انا واخواني
المهم كل عطله والاربعاء والخميس والجمعه نجي عند جدتي عشان بيتنا مافيه احد وكذا ولنا على هالنظام سنوات


المشكله اللحين ان جدتي اذا صاروا في عماتي يتسلطون عماتي علينا حركات لازم

واذا صاروا موب فيه جدتي الله يهديها ويطول بعمرها على زود عمل صالح

تسوي حركات مدري وشي زي مثلا سالفه الغداء ماتبي شغالتنا تطبخ تبيني انا اللي انزل اطبخ كذا بس اقولها يمه حنا بيتنا الشغاله اللي تطبخ تقول لااا انتي الللي اطبخ بس كذا وقهوه وشاهي يعني ميب سالفه وتكلم عمتي بيتيلفون لا ابشرك نازله اليوم ومزينه الغداء تقصدني ماحس الا اني مرت ولدهم يعني اذا صاروا عماتي موب فيهم جدتي وانا بكل الحالات منيب مرتاحه احس اني طول عمري ساكنه مع حموله موب اهلي واذا جاء ابوي ماتبيه يقعد معنا قم قم تخليه يروح عند الرجال عشان مايقعد معنا ونرجع لسالفه الغداء لو انا ماطبخت هي تطبخ وتقول لعماتي واصير كاني انا اللي غلطانه لاتقولون اقعدوا بيتكم اخواني مايبون يبون يقعدون مع عيال عماتي يوسعون صدورهم وصعبه انا اقعد بلحالي وصعبه اذا قعدت الشغاله معي واخواني مين يسنعهم اذا راحوا هناك وحاله

ولا وعماتي يحسون ان لهم فضل علينا لانهم هم اللي مساعدين جدتي على تربينا يعني ماتقدرين تطالعين بعين الوحده لان يوم امي تطلق من ابوي المره الاولى وانا عمري سنه واخوي اللي اكبر مني سنتين واللي اصغر مني بسنتين بعد معنا اللي كانت تدرسنا والللي تشري لي ملابس يعني يحسون ان لهم جمايل انا مانكر صح بس حنا ضحيه بعد مالنا ذنب

وبيتنا اذا رحت جنبنا مرت ابوي وتعرفون لازم بعد تطلع حركاات والشكووى لله

بس انا صددق احس اني تعبت وطقتني الوساوس بالوضوء والصلاه والطهاره احسسس اني مضغطه ضغوط الله اعلم بها عمري اللحين 22 واحس كاني عجوز ام اربعين سنه

وامي لو اشتكي لها ولا شي ماعليها مني ولا اهمها تزوجت العام ولا حتى علمتنا الله يسامحها ويجزاها الجنه واصلا ماربينا عندها ولاا حوالي 7 سنوات بس يعني احس اني ماعرفها

هذا نتيجه الطلاق وليه غير الام العيال يتشتتون وبهذله على قوله اخوي تجدعنا ولا كننا كلاب



ادعوولي يابنات واعذروني على حوسه الكلام ماقلته الا تفريغ وادري الحل من ربي

بس مابي الا دعواتكم لي ولاخواني