طيبة امي .. وخباثة زوجة ابوي

بداية قصتنا كانت قبل 11سنه لما تزوج الوالد من زوجه اصغر من ابنائه
وسكنها معنا بنفس البيت .. وأمي راضيه ومحتسبه الاجر
وكانت تعاملها مثل اختها.. وحتى احنا عاملناها مثل اختنا وكان اخوي مايقصر معها بشي وكل طلب تطلبه ينفذه لها .. لكن ..
مو كل واحد يبان فيه الجميل وياكثر اللي يعضون اليد اللي تنمد لهم
بعد 11 سنه سكنها ابوي ببيت لوحدها واضطر اخوي يسكن معها هو وزوجته بس لحد ما يخلص بيته يعني مؤقت
لكنها صارت تتصرف بخبث .. تخيلوا انها وصلت فيها انها تخرج زبالة زوجة اخوي وتفتشها وتوريها ابوي وتقوله شوف تاركتها لي عشان اشيلها لها
وكمان تحرض ابوي على اخوي وزوجته عشان يطلعهم من بيتها .. وهي سكنت مع امي 11سنه واخوي ما كمل السنه ماقدرت تتحمله
وتنظف بيتها واي شي لأخوي ماتمسحه مثل ثلاجة اخوي والله انها معدومه من الغبار وثلاجتها تلمع وإذا احد جاها تقول هذي ثلاجة فلانه قصدها زوجة اخوي (يعني انا نظيفه وغيري وصخ)
والله ان اخوي طييييييب معها وهو اللي سجل لها بحافز وهو اللي يحدث بياناتها كل اسبوع وكل يوم يوصل عيالها لمدارسهم وإذا تبغى السوق مايقصر معها .. لكن ناس ابد ماينفع فيهم المعروف
سؤالي كيف نتعامل معها ؟ مع العلم ان ابوي مايصدقنا إذا قلنا له على اللي تسويه
سامحيني يمه كنت اظن انها مجرد غيره لما كنتي تفضفضي لي عن خباثة زوجة ابوي .. كنت اظن الكون كله بطيبة قلبك وصفاء نيتك .. الله لا يحرمك الاجر
تكفون كيف نتصرف مع هالعقربه ..