طيبة امي .. وخباثة زوجة ابوي آآآآه يالفرق // مكرر في القسم

قصتنا بدأت قبل 11سنه لما تزوج الوالد من زوجه اصغر من اولاده
وسكنها مع امي اللي كانت راضيه ومحتسبه الاجر
وكانت تعاملها مثل بناتها واحنا بعد كنا نعاملها مثل اختنا وكان اخوي مايقصر معها واي شي تطلبه ينفذه لها
لكن ..
مو كل واحد يبان فيه الجميل وياكثر اللي يعضون اليد اللي تنمد لهم
بعد 11سنه قضتها معززه مكرمه معنا سكنها ابوي ببيت لوحدها واضطر اخوي يسكن معها هو وزوجته بشكل مؤقت لين يخلص بيته
وصارت تتعامل بخبث .. تخيلو ا وصلت فيها انها تخرج زبالة زوجة اخوي وتفتشها وتوريها ابوي وتقوله شوف تاركتها لي عشان اشيل زبالتها
وتحرض ابوي على اخوي وزوجته عشان يطلعهم من بيتها .. سبحان الله سكنت معنا 11سنه ماشكينا منها واخوي ماكمل سنه ماقدرت تتحمله
تنظف بيتها واي شي لأخوي ماتنظفه يعني مثلا ثلاجة اخوي معدومه من الغبار وثلاجتها تلمع وإذا احد جاها تقوله هذي ثلاجة فلانه تقصد زوجة اخوي (يعني انا نظيفه وغيري وصخ)
والله ان اخوي طيييييييييب معها وهو اللي سجل لها بحافز وهو اللي يحدث بياناتها كل اسبوع وهو اللي يودي عيالها كل يوم لمدارسهم وإذا تبغى السوق مايقصر معها .. يعاملها مثل مايعاملنا
السؤال كيف نتعامل معها ؟ مع العلم ان ابوي مايصدق اي شي نقوله له عنها
سامحيني يمه كنت اظنها مجرد غيره لما كنتي تفضفضي لي عن خباثة زوجة ابوي .. كنت اظن الكون كله بطيبة قلبك وصفاء نيتك ..
ارجوكم ساعدوني كيف نتعامل مع هالعقرب