طيبة زائدة أم ماذا

السلام عليكم أخواتي ، هل موقف صديقتي انشغال و مسؤوليات أم تطنيش و عدم احترام؟. بدخل في الموضوع انا بطبيعتي احب الناس واعتبر نفسي طيبة زيادة عن اللزوم لان الناس هلايام يحبون اللي ما يتساهل ما اعرف هيك أشوف المهم واحدة من صديقاتي المقربات كنت دايم اتصل فيها و اسأل عنها لاحظت بعدين أنها ما تسال ولا تتصل الا نادرا فانا صرت اعمل نفس الشيء ما حبيت افرض نفسي مع أنها تتصل مع الكل بس الطاهر الطيب مالو مكان مع هيك ما همني ضليت اسأل عنها كل فترة لأني ما احب اقطع احد و بنفس الوقت عالخفيف، اللي صار أني اتصلت بصديقتي اسأل عنها ما ردت، انا قلت يمكن مسافرة بس لاحظت أنها تعلق على بوستات الصديقات على الفيس و بيوم انا علقت تحت تعليقها بنفس الوقت ما في ثواني الا وهي ترن علي انا ما رديت لأني كنت بطلع، تخيلو بعد اكتر من عشر أيام اتصلت . لما رجعت البيت اتصلت فيها لا و شو بتسالني وين هالغيبة حكيتلها أني اتصلت فيها من زمان، اسمعوا شو كان ردها والله صدمتني قالتلي آه انا شفت اصالك كل يوم بحكي رح ارن و راحت الأيام , عشر أيام ما عرفت ترن طيب مسج صعبة كمان. انا زعلت لأني بعرف كم هي بتعمل قيمة للي بدها إياهم . لو انا فلانة والا فلانة كان اجت تركض. المشكلة أني ما عاتبتهاا ولا أظهرت أني زعلانة هل هاد خطا بفكر اواجهها وأقولها أني زعلت لأنو اللي ما بيحكي في الوجه ما حدا بيعمللو حساب. شورى علي يا بنات اواجهها والا اطنش واعاملها بالمثل أسفة على الإطالة