طيبة قلب زوجي الزايدة بتخسرنا حقنا يعني

الكلام طويل وبختصره
زوجي واخوه واخته وامهم عانو من ظلم ابوه وزوجة ابوهم
كان يفرق بينهم وهاجر امهم سنين طويلة ومايصرف عليهم ولا يلتفت لهم
اخو زوجي انطرد من البيت وعمره ١٤ سنة وتم شهر ينام بالشوارع وابوه يمنعه يرجع للبيت
وكبرو الكل وحرم زوجي واخوه واخته من ورثه وكله كتبه ب اسم عياله
هذا الكلام مر عليه سنين طويلة والان الاب والحرمة وام زوجي صارو بديار الحق
بس عيالهم متربيين عالكراهية حتى بين بعضهم وزوجي للان يواصلهم رغم شرهم ورغم طعناتهم بظهره للان متواصلة
زوجي طيب بزيادة حساس ويتأثر على طول وهم مستغلين هالشي
الله يكفينا شرهم ويبعدهم عنا
لي صار انه في ارض لهم يبغون يبيعوها ولاحقو زوجي يشتريها وهو انصاع لهم دفع منه نصف المبلغ وخلى ابنه يدفع النصف الثاني والى يومنا هذا قاعدين يماطلو مايبغون يتنازلون عنها رغم انه في اوراق مصدقة وهم صارلهم سنتين على هالحال وزوجي بجلسة وحدة بالمحكمة ينهي الموضوع كله
بس موراضي يقول ذولي مهما حصل يبقون اخواني
اي اخوان اقسم بالله لو رويت لكم ربع من مواقفهم لاتقولون اليهودي احسن منه
وابنه يستنى كل يوم يتصل يسأل ابوه وش لي صار وابوه ساكت ويصرفه
بعدين جات اخته عقرب الرمل قالت ابغى ارجع فلوسك ما ابغى ابيع وزوجي دافع لها ٦٠ الف ريال راحت رجعتهم ٤٥ الف واكلت ١٥ الف ريال ببطنها الله لايوفقها
وابن زوجي كل مايجن جنونه اكثر ويتهاوش مع ابوه ووصلت انه ابوه سفهه وضربه عشانه يبغى يشتكي عليهم
رجعت الشرارة مرة ثانية اخوه مو راضي يتنازل وهو ب امريكا يدرس رغم انه الكل خذ ٦٠ الا هو ٧٥ الف يعني زيادة
يقول بكل وقاحة والله مارح اتنازل ادفع لي ٢٥ الف زيادة واسوي وكالة ل اخوي يتنازل لك
قاله زوجي في اوراق وانت موقع وباصم عليه يقوله ما اعترف فيهم ذولي مزورين وانت متسلف مني ٢٥ الف ريال وابغاهم مقابل اتنازل لك
شوفو الوقاحة واكل مال الحرام
ما اقول الا الله يغفر ل امهم وابوهم ويوسع قبورهم هم لي ربوهم على كذا
ابن زوجي تولى الموضوع كله وقال ل ابوه تبغى تزعل ازعل ماني سائل انت تدهورنا بطيبة قلبك الزايدة مع ناس ماتستحق وهذا حقي وحق عيالك بيضيع بسبب سكوتك
راح هدد عماته ٢ اول شي ياتتنازلون يا اما اقسم بالله اشتكي عليكم واوديكم السجن راحو اول شي عند زوجي يبكون ويحرضونه وولدك يبغى يسجن عماته ومايستحى وزوجة ابوه تحرضه علينا لي هي انا وذاك يجي يعصب علي وعلى ابنه ويهدد
ولده رجع قالهم تنزلون ولا انزل للمحكمة بالاخر رضخو واتنازلو عن حصصهم وثبت الاوراق الولد الله يحفظه
والان بيقدم شكوى على الباقي لانهم رافضين يتنازلون وزوجي جانن جنونه ويهدد ابنه في حال رفع القضية انه يغضب عليه ويزعل منه ليوم الدين ومارح يحضر عرسه والولد مطنش مناشب لهم كل يوم عشان يخلص الموضوع
والحل طيب يا اخوات مع زوجي