طيبتي خلتي .... رخمه او خيخه 😳

السلام عليكم ورحمه الله وبركاته ..
قبل كل شيء م احلل نقل قصتي باي برنامج ..
كيفكم خواتي العزيزات ؟؟
متابعه لكم بصمت وقررت اطرح لكم بعض من
مشاكلي لعل الله يدلني للصواب ..
انا فيني طيبه لدرجه كل الي حولي ماعاد
يحترموني وفيني خوف اخاف ارد او اقول لا يزعل
الطرف الثاني او اظلمه ويدعي علي ..
وضعي صار متازم مره خسرت كل من حولي يعني
لمن احد يغلط علي اسكت وابكي ماارد مااخذ حقي لا ..
وصار الحل هو المقاطعه ماعاد ازور احد ولا
اتواصل الا مع قله قللللله واخاف بعد يصير احتكاك
بيني وبينهم هل حلي هذا صحيح ؟؟
ومن ضمن هالمشكله ( اهل زوجي ) مايقدروني
لاني اسكت عن حقي مايفكرونه احترام لهم لا
شافوه ضعف لدرجه حتى غرفه نومي مكشوفه لهم
وقبل فتره تضايقت من دخولهم وتكلمت مع زوجي
وزعلو علي كيف اني تكلمت وطالبت بشيء
يخصني ؟؟ وصارو يمدحون ويمجدون سلفاتي
قدام زوجي يعني شوف حريم اخوانك افضل من
حرمتك والله كذب انا اعرفهم ومتواصله معهم
مايسسون الي قالوه والمصيبه زوجي مصدق
وصار يقارن بيني وبين حريم اخوانه اصلا حرام
هذا حمو كيف تمدحين حريم اخوانه عنده وزعلت
قلت اذا بتستمر انا بكلم ابوك واتفاهم معه لان فيه
مواضيع كثيره قهروني وتعدو كثير علي ووصلو
يتكلمو باهلي بعدها ماجاب طاري وانا قطعتهم نهائيا لا اتصال ولا زيارات ..
هل حلي هذا صحيح يااخواتي اخف ياثر بيني وبينه وبينا اطفال مابي اخسرهم كفايه اقاربي ؟؟؟
وفيه ملاحظه اخيره الحين صارو يتصلون عليه
وينكدون بينا باي شيء تخيلو الفجر يصحونه تعال
غسل الحوش الساعه 1 الليل تخيلو روح حول
فلوس لفلان لعلان الساعه 9 الصباح تعال وصل
صاحبتي بيتها شيء مو معقول ..




واسفه عالاطاله .. سبحانك اللهم بحمدك اشهد ان لا اله الا انت استغفرك واتوب اليك ..