طيبه قلبي وردات فعل جارتي شوفوا ردات فعلها داخل

الأسرة والمجتمع

السلام



بصراحه مثل ماكتبت قبل اني وحيده بمدينتي اهلي واهل زوجي يبعدون عني الف كيلو .....وجارتي وحده بس بالعماره ولها اخت بنفس المنطقه ...وشافت ان مالي احد واحب مرات اعزمها واكرمها ان بناتي كبر بناتها وبعددهم بعد ابيهم يتسلون مرات تعزمني بس احس كانها شايفه ان مالي االا اهي لان علقت (علي وحده من قرايبها ) قاالت أي اختي قالت اعزميها قلت خليها وش نبي فيها وربي لو لها اهل بالمنطقه كان ما تناظر لنا بطرف عينها أزعجتني تعزم ومرات اقول مشغولا ومرات تقو ل اجيك او تجيني اقول اجيك اف خبله اختي لو بمكانها محد عزمها (حسيت حتي هالكلام مطبق علي ):44:


مره قدمت لها حلو غالي ومع الوقت قلت لها تصدقين غالي بس ما يسوي توقعت حلو حلي منه وش رايك .(من الميانه )


عزمتني بعد فتره قالت: بضحك حلي ام خالد من الحلا هدا غالي من بعيد جايبته وتضحك (وانا اعرفه بنفس منطقتنا ورخيص واهي تعرف اني عارفته ) ضحكت ولا رديت


قلت من ضمن سوالف أي ابوخالد يخاف عي خالد قالت ههههههه أي هداك اليوم اسمع يضربه ويبكي وين يحبه انحرجت قلت يمكن يبي روح معاه (دايم تسمع زوجي يعصب علي اولادي بس اذا كان بيطلع يبكون يبغون يروحون معاه ويعصب ) تقول اسمع امس معصب ويصارخ علي اولادك وتضحك ليه

من زمان ذكرت اخوي عصبي ولا نست قالت لا تروحين اهلك ياكلك اخوك العصبي وتضحك

لازم تقط علي نغزات ترفع ضغط شايفه ا ن مالي الا اهي ما استغني عنها



مره اختها قالت لي وجارتي بالمطبخ وش رايك نتواعد لحديقه انا واختي قلت عادي قالت الخميس وكنت حاسه جارتي راح ترفض وفعلا مر الخميس ولا كلموني وراحوا

مع هذا بناتها زيها اذا دخلوا عندي بس ساكتات ابيهم يلعبون ما يلعبون لين اقول روحوا العبوا ولازم يهاوشون بناتي او يزفونهم مع ان بناتي كل شي يحطونه لهم مرات يسون حفله علشان يفرحون وينبسطون واخر الحفله يتفلون عليهم وتهاوشون واستحي اهاوشهم اقول خلاص روحوا لامكم ....


واذا بناتي راحوا لهم عليهم حركات غريبه (ما نشوفهم اول نص ساعه ويضحكون داخل غرفه وبناتي منحرجات جنبي يبغون يلعبون ومافي احد واذا طلعوا من غرفهم جلسوا ساكتات ويخزن واي لعبه تاخذها بنتي اكلتها بنت الجيران امها كلامها بارد عطيها وتصد حسيت خطه منها وش الحل
معاها ترفع اضغط وزوجي اقول خفض صوتك صرنا مصخره يقول تضرب راسها بالجدار:huh:

ودي ابين اني بغني عنك بس كيف ودي ارد عليها بس ما اعرف ارد رد قوي يحرجها ولا اعرف احرجها او اغثها مع ان عندي خبر ان زوجها يغازل بس دايم تقول وتبرر انه بسوق يتمشي فيه كريسترول مع انها عارفته:huh:



5
2K

يلزم عليك تسجيل الدخول أولًا لكتابة تعليق.

تسجيل دخول

bentalturki
bentalturki
عزيزتي بكل بساطه خليها صفر على الشمال

الي ما يبيك لا تسألين عنها ولا تروحيلها اذا كلمت وتقولك وينكم قولي مشغوله ..طالعه ...ماني فاضيه

سوي مثلها خليك ثقيله ولا ترمين نفسك عندها ..

حتى لو اهلك بعيد مو لازم يكون عند جاره تروحيلها على طول ...عيالك وزوجك اهم بحياتك
وروحي عند اهلك من فتره لفتره

اما انك تعايرينها بزوجها انه مغازلجي لااااااااااااا ما يجوز

اسفهيها احسن واشغلي نفسك ببيتك وعيالك واطلعي معهم ووسعوا صدوركم
وحدة من بنات حوا 2
مادام جارتك تتعامل معكم كذا هي وعيالها خففي زياراتك لهم ولاتنادينهم يزورونكم دايم يعني يكفي مرة بالشهر اما

تجتمعون في بيتكم او في بيتهم وخلاص ترى السبب هو من كثرة مقابلتهم استهتروا فيكم يعتبرونكم بحاجتهم فاستغني عنهم

واطلعي انتي وزوجك وعيالك تمشوا بالمراكز التجارية والملاهي مشيهم لحالكم وبتشوفين كيف يصيرون يفرحون

بجيتكم لهم .
المنقوشه
المنقوشه
عزيزتي بكل بساطه خليها صفر على الشمال الي ما يبيك لا تسألين عنها ولا تروحيلها اذا كلمت وتقولك وينكم قولي مشغوله ..طالعه ...ماني فاضيه سوي مثلها خليك ثقيله ولا ترمين نفسك عندها .. حتى لو اهلك بعيد مو لازم يكون عند جاره تروحيلها على طول ...عيالك وزوجك اهم بحياتك وروحي عند اهلك من فتره لفتره اما انك تعايرينها بزوجها انه مغازلجي لااااااااااااا ما يجوز اسفهيها احسن واشغلي نفسك ببيتك وعيالك واطلعي معهم ووسعوا صدوركم
عزيزتي بكل بساطه خليها صفر على الشمال الي ما يبيك لا تسألين عنها ولا تروحيلها اذا كلمت وتقولك...
ياختي وش تبين بها اما مثلك لحالي بديره ولا اهلي ولا احد ولا اطلع يمر شهر ماشفت مخلوق دوبي دوب عيالي وبيتي الحمد لله فيه اشيا توسع الصدر وشغل البيت الي مايخلص انا ماعندي شغاله يمكن انتي عندك شغاله وهي الي مسويه لك فراغ 
ابعدي عنها شوي شوي حتى تصيري معها رسميه افضل جربت الموانه وندمت كان لي صديق اشد من الاخت وكل اسراري عندها وجت من نفسها وقطعت وادق عليه ماترد بدون اي سبب حسبي الله ونعم الوكيل 
وحدة من بنات حوا 2
الموضوع مكرر


ياليت تطلبي من الإدارة يضمون ردود الموضوعين سوى في موضوع واحد
ماك فيليه
ماك فيليه
اختي انت ليه تروحين عنده ؟
عشان تغيرين جو وتنبسطين صح ؟
طيب اذا هالمكان الي تروحين له عشان تنبسطين صار يضايقك
ليه ترجعين تروحين له كل مره وانتي عارفه انك بتتضايقيين ؟

حبيبتي مره بالشهر زياره له وريحي راسك
خليها تعرف ان حياتك مو واقفه عنده

يعني لو انه من اقاربك كان اقول اجباري تزورينهم بين فتره وفتره عشان ماتقطعين الرحم
بس هذي ماتقربلك ولاهي بصديقتك اسحبي عليها ومتى ماجتك الغلقه روحي تسلي عنده يوم وخلاص


والله لو بقابل ٤ جدران احسن من مقابل الناس الي كذا