انا انسانه اموت بالتجميل طورت نفسي بالاستطلاع والقراءه المكثفه في المجال اللي احبه وصرت اسوي منتجات عنايه والحمدلله اللحين انا فخوره بنفسي وربي بنات احس بطعم النجاح شي ثاني فلوسك وتعبك لهم طعم غييييييييييييييييير كل وحده منا لها ميزه وموهبه لازم تطورها للافضل اللحين ابي اتعلم فنون المكياج لاني احبه

صح لسانك انا عجبني كثير العنوان واستغرب من الي تتوظف ب 1000 او ب 1300 ريال

مع انها لو تشتغل شغله هي تتقنها ممكن تطلع ال 1000 ريال هذي في يوم

وحتى لو راتبك 7000 ريال في قطاع خاص ماعطوكي هالمبلغ الاانك تبذلي جهد وعندك مخ ممكن يطلع لك اكثر من هالمبلغ

وفيه اشياء كثيره ممكن تشتغلها الواحده حتى من البيت وبدون شهاده اهم شي يكون عندها عزيمه وموهبه وصبر

انا اول مابدات كنت مندوبه مع شركات التجميل اوريفليم وفريدريك ام استفدت منهم خبره .

وشوي شوي توسعت الين صار عندي سجل تجاري ومحل الحمدلله

بدات مندوبه لكن اصبحت سيدة اعمال حتى بالغرفه التجاريه والان عندي مندوبات وموظفات

والتجاره مفتوحه على اوسع ابوابها ولله الحمد عندنا في السعوديه الناس تشتري ماشاء الله وبخير وبنعمه

ولا بعض الدول مايعرفون السوق يسمعون فيه بس. كل شي يصنعونه بنفسهم من اكل ولبس واثاث حتى .

وكم من تاجر اجنبي جاء الى السعوديه صفر اليدين وطلع بملايين ماشاء الله .

ليت شبابنا وبناتنا يفتحوا عيونهم على التجاره فيها رزق كبير بس يبغى لها صبر

موفقين

انا قتلت الفراغ بالااسهم والتدوال فيها الخير الكثير والحمد لله قدرت احقق ذاتي وقريب بفتح مشغل باذن الله

موضوع جميل

اممم الحمد لله على كل حال والله يرزقنا بما نتمنى .. انا عني بحثت وبحثت وبحثثثثثت لحد مالقيت ريسبي اجنبي للكيك وسرت اتاجر فيه على شكل كب كيك باشكال مختلفه وطعمممه مره رائع ويذوب في الفم يمممي وبكل امانه ريحته مثل العافيه .. والحمد لله شغل ماشي الله يرزق الجميع .. موفقين الكل