طيب بنات لحظه وين مصادركم الموثوقه؟

حياكم الله ياهلا وغلا.... فيه موضوع قاهرني ودي اتكلم فيه


بالنسبه للمواضيع المنقوله من المنتديات وبعضها تشويه لسمعة مملكتنا الغاليه (( بلاد الحرمين ومهبط الوحي )) شرفها الله
من مواقع ومنتديات معاديه لنا....

طبعا كل دوله وكل شعب وكل انسان فيه خير وفيه شر << ذي كلنا متفقين عليها
وانا مااتكلم عن دولتي بأي مثاليه لاتفهمون الموضوع غلط وتجي وحده تقول بلا مثاليه!!!

انا ابي اذا نزلنا موضوع عن اللي يحصل بالشارع السعودي او اي دوله ثانيه من اخبار نوثقها بالمصدر اللي أخذناها منه اذا كان صحيفه سعوديه او خليجيه او موقع صحفي او قناة معترف فيها بنقل الاخبار الصحيحه او زي كذا

انا استغرب من كم موضوع غرضه دس السم وتشويه السمعه لافراد شعبنا واللي يقهر تم نقله من منتدى ثاني وغير موثوق

يعني البنت اللقيطه المرميه انتي ياللي حطيتي خبرها من وين جايبته بالضبط؟ انتي مصورتها مثلا؟ اذا ماجبتي مصدر صحفي معروف وموثوق ماراح نصدق << ومن حقنا نعرف من وين الاخبار ..

وثانيه جايبه صوره ثانيه في مدينه ثانيه وكالعاده بدون مصدر!! وش لون نعرف هالاخبار بدولتنا والا صور من غرب شرق القاره المكسيكيه ارحمونا عاد

انا ماقلت اننا يالشعب السعودي كاملين بالعكس عندنا اخطاء وذنوب واجد بحكم دولتنا الكبيره صرنا قاره ماشاء الله

بس ياليت نعرف مصادركم ياليت نعرف اخباركم اذا صحيحه او لا!!!

انا بالامكان اخذ اي صوره واحطها لاي دوله واقول عثرت الجهات الامنيه على كذا وكذا في شارع كذا في دولة كذا وخلاص ينتشر الخبر.......

ادري ان نيتكم زينه بس بليز ارحمونا نبي اخبار موثّقه حفاظا على سمعتنا.......

ترى كثير ينقل من هالمنتدى الغالي فلاتكونين سبب في تشويه سمعتنا بأخبار كاذبه وماهي موثقه....

وسلامتكم

وانتن ايتها المشرفات العزيزات الرجاء عدم حذف الموضوع وياليت تخلونه لو دقايق لاهميته
وربي طفشنا من الاخبار اللي ماندري من وين ملفقينها هي صدق من بلدنا والا تشويه لسمعة وطنا وسمعتنا

نبي مصادر موثوقه لكل خبر ينشر هنا مانبي اخبار منقوله من منتديات وبس...