طيب ما تزوجت وش صار يعني ؟؟؟

بصراحه نظرتك للي وصلت عمر 30 وما تزوجت ؟؟ وش تقولين فنفسك لما تشوفينها
تحزنين عليها ؟ تخافين منها ؟ تحسينها عايشه حياتها ؟
كلنا ندري الزواج قسمة ونصيب وغالبا البنات راضين بنصيبهم
لكن بعض الصديقات يحسسونك ميته على الزواج ! كل ما رديتي عليها كتبتلك رد تدعي بالزواج قدام بقية الشلة
ليتها تدعي بالتوفيق بتحقيق الامنيات ، لاااا ما عندها دعوه الا زواج ! طيب يا بنت الناس يمكن انا مبسوطه وراضيه ليش تحسسيني ميته على الزواج ، يمكن ربي مو كاتبلي اتزوج ، طفشت ومليت كأني حنبسط واصير مستقله فقط اذا تزوجت
المشكلة كلامها محترم ودعوتها محترمه لكن مابي كل ما ردت علي ، دعت بالزواج ، تبين تدعين ليا فعلا ادعي بالسر
الموضوع صار يضايق ومقدر اتكلم لانها محترمه معاي ، قلتلها مره ادعيلي بالتوفيق رجعت حليمه لعادتها القديمه ( ادعية زواج )
المشكلة الناس ما تفهم انه عادي تزوجتي او لا ، عندهم الا الا الا انتي زعلانه وغير راضيه عن حياتك وغيرانه عشانك غير متزوجه !!!
لكل وحده لو فعلا تتمني الزواج لصديقتك ادعيلها بالسر فقط ، ومو شرط انه هي غيرانه او ناقصه ترا يمكن تكون اسعد منك بمليون مره