تسلموا ما تقصروا ..

والله ما اقصر معاهم .. انظف واجهز اكلات ..والصبح اصحى من قبلهم لان اهله يبغوا يفكوا عينهم على سفرة الفطور .. ما يستنوا ..
وطول اليوم الشاهي .. براد رايح وبراد جي .. واحط شي جنبه ..

والبيت مفتوح كله .. مافكرت اني اقفل الغرف عشان لحد يزعل .. بس ذوقيا المفروض محد يلفلف في كل البيت ..
اهلي لمن يجوا يجلسوا في الصالة او غرفة الضيوف ..
لكن مع اهله حتى غرفة نومي ماقدر اسك بابها .. داخلين خارجين و ما يعرفوا شي اسمه استنذان ..

وزوجي معطيهم نسخة من مفتاح البيت .. لامه وابوه واخوانه المتزوجين .. و وقت ما يهفلهم يدخلوا ويخرجوا بدون استئذان ولا كانه في اصحاب للبيت .. ولو قلت شي لزوجي يزعل ويقول هذا بيتهم .. قلتله وانا مني خدامة عندهم .. ارفع من وراهم ..
وانت ماعندك مفتاح بيت ولا احد .. وممكن بالسنين ما تدخل بيوت اخوانك ..

فيزعل وتقوم القيامة ..

احاول ما اقصر معاهم .. هدا بيت ولدهم .. بس كمان بيتي .. وانا ليا حق ..

متفائله الي معك بنت ولا ولد. قاعده اسوي بحث في الدكتوراه حقتي😂 لا البنت يقولون تطول ترا مره تظبط هالمقوله ومره لا الله يعينكك يارب

شوفي الا غرفه النومم 💪 قفليها و ان حكو اذن من طين واذن من عجيننننن 😠 في شي اسمه خصوصيه وعاد انا احترم الخصوصيات مره واسوي الي احبهم يسونه لي صبر جميل والله المستعان

اكيد ياقلبي سدن

وهذا العشم في كل وحده طيبه وبنت ناس معك في كل كلمه قلتيها بس غرفة النوم اسمحي لي هذا خاص جدا فيك والمطبخ بعد لكن الباقي يسوون اللي يبون وانتي جربي اذا عادي تلفلفين بيتهم وماعندهم مشاكل ترا هذا طبعهم ولاتزعلين ابدا ... وفيه شغالات عند شركه اذا تبين تجي مره فالاسبوع وتسوي نظافه شامله للبيت هم فالرياض والسواق يوديها ويجيبها تريح لكن مالقيت لي شهر كامل محتاجتها
.

والغرفة قفليها قولي بنتي تحوس فيها تبون شي اجيبه لكم وبيفهمونها هذي اتحسس منها الحركه احس عدم احترام لي

والله يوفقك ويهون عليك

واذا زوجك يزعل ياقلبي سدن

قولي له نفس ماتقوليها لأهل زوجك قولي اخاف على بنتي وقفل الغرفه بسببها وبترتاحين لأن مو كل شي بيتفهمه الزوج