طينتها معه وش الحل؟؟؟؟؟؟

:eek: الحقوني يابنات :09: عفست الدنيا مع زوجي البارح بس والله من الحره بخش في الموضوع (خشي حد حايشك) البارح كنا جالسين وش زينا هو يتابع الجزيره كلعاده وانا اتصفح منتداي الحبيب اشوي ويرن الجوال حقته اشلونك وشخبارك عرفت من احساسي ومن طريقت كلامه انه واحد من هالمندوبين الي يتعامل معهم في لبنان وعرفت انه موجود بالرياض للحين الوضع عادي شوي ولا اسمع الحبيب يكلم وحده ويتباسط معها ولا ويتخيفف ويقولها ليه ما رحتي على لجبيل ولاخايفه وهاتيا ضحك والثانيه تقوله تعال اسهر معنا يرد عليها والله مقدر الوقت متاخر يعني الحبيب لوما الوقت كان راح والي زادني قهر انه طلع برى الغرفه يكلمهم والله يابنات اني انقهرت حسيت انه ما راعى مشاعري وهويكلمها ولايطلع من عندي ركض يكمل برى انا عاد لما رجع امطرته اساله وتحقيق منهي هاذي قال هذا فلان وهذه زوجته قلتله وليه تكلمها كذا وهي كيف تاخذ الجوال من زوجها علشان تكلمك قالي عادي هما ماخدين علي وانا ماخد عليهم لاتكبري الامور بس انا مصختها وقلتله هاذي وقاحه ماهي صداقه وتخانقنا وشرايكم يابنات يحقلي ازعل ولامايحقلي وش اسوي الحين من امس متزاعلين:(