ظاهرة الخدم (ترف أم حاجة) لربات البيوت

Dandosh :

معلش .. الخدم موجودين من عصر الرسول عليه الصلاة والسلام ومن قبله ..يعني مش ظاهرة جديدة وغريبة... الإنسان اللي محتاج الخدم مو شرط معتمد عليهم في كل شي، ووجود الخادمة أبدا مو معناه انها صارت هي الام والأب ولا انها صارت الكل بالكل .. الحمد لله صحتي كويسة لكن بالنسبة لي وجود الخادمة ضروي، ومو معنى هالكلام اني مهملة اولادي، بالعكس متابعة كل شي بيخصهم حتى لو ما عملته بايدي.. والحمد لله لا كلامهم متلها ولا دينهم متلها ولا أصلا بيتأثروا بوجودها أكتر من كونها فرد في البيت بيعرفوا انها رح تسافر بانتهاء عقدها متل البقية ... يا ريت الانتقاد الموجه يكون للتعامل مع الخدم والمشاكل اللي بتخليهم احيانا يحقدوا على اصحاب البيوت.. بدل ما نعمم ان كل الخدم حاقدين وكل الأهل معتمدين 100% ,,, ولو راقبنا الخدم بالشكل الصح ما حيكون علاقات، وعلى هيك قيسي كل المشاكل اللي حكيت عنها السيارة وجودها بيسبب سمنة لانها بتقلل الحركة .. وبتزيد المصاريف وبنفس الوقت بتكون أحيانا سبب للحوادث .. لكن الواحد بيتعامل معها لحاجته الها .. مع الانتباه ومراعاة ضوابط هالتعامل وبالأخير بيتوكل على ربنا ... وهالشي لازم نطبقه على كل شي بحياتنا عشان نرتاح ونريح الناس من الانتقاد الدائم .. وانه السبب هو الترف والمحاكاة والفشخرة .. لانه ما عاد في حدا بيفتخر بوجود خدم صراحة.. الا اللي عمره ما شاف خير ومفكر الخدم اشي فظيع وجديد ... عارفة ردي ما رح يعجب كتيرين .. لكن (والكلام مش موجه لصاحبة الموضوع وبس) .. الانتقاد والتعميم والافتراضات المبنية على وجود الخدم بصـــــــــراحة صارت هدامة أكتر من كونها بناءة .. وبتحسس ربة البيت انها مقصرة .. ورب البيت انه خائن للامانة ... عارفة ان كلامك عن بعض المشاهدات ... لكن الصورة العامة للأسف انه هاد هو الوضع السائد في كل البيوت الي فيها خدم .. سواء في مجتمعك او مجتمعي او غيره .. وانا بعاني من كلام ناس كتير حواليّ عن هالموضوع وبلاقي نفس الكلام ونفس الأفكار حتى من غير ما يعرفوا شو وضعي وهل فعلا الخدم مأثرين على حياتنا او لا ..

معلش .. الخدم موجودين من عصر الرسول عليه الصلاة والسلام ومن قبله ..يعني مش ظاهرة جديدة وغريبة......