ظاهرة انتشرت كثير في المتندى

السلام عليكم ورحمة الله وبركاته

اهلا اخواتي....انا كتبت هالموضوع لأن نفسيتي تعبت والله...ماادخل موضوع في هالمنتدى الا ويضيق صدري....لاني لاحظت عدة اشياء وهي:

1_ ان الوحدة اذا حطت خلطة معينة تكون الردود على هذا الموضوع من قبل العضوات تقريبا كلها زي بعض...مثلا كل البنات يكرروا نفس الاسئلة على نفس الموضوع...مع ان صاحبة الموضوع تكون جاوبت من قبل...وهذا الشي يخليها تزهق من تكرار الاسئلة...طيب ليه مايشوفوا الموضوع من الاول وبيلقوا اجابة....انا اشوف الموضوع في صفحات كثير ولما اتصفح القاه كله تكرار في تكرار.
2- الشي الثاني وهو ان مثلا وحدة كتبت موضوع عن كريم معين...وهي مثلا من بلد معين....تجي اغلب الردود تسألها كم قيمته بالعملة الفلانية ووين موجود بالبلد الفلاني...مع انها من بلد ثاني.
3- ان اذا صاحبة الموضوع طولت في الغيبة وماردت...نلقى الردود اغلبها عتاب لصاحبة الموضوع وانها تبي تحرق اعصابهم وكذا...طيب يمكن عندها ظروف خلتها ماتدش المنتدى.

هذا اللي لاحظته في المنتدى واي وحدة شافت شي مو عاجبها تقول لنا عن هذا الشي...نبي مشاركات منكم عشان نقضي على هالظاهرة والا شرايكم؟؟؟؟ :27: