صبحكم الله بكل خير ومسرة وسعادة ورضى من الرحمن
أنا لاحظت شي بمنتدى الحمل والأمومة يا أخوات
صاير الكلام كثير عن أسباب إنجاب الذكور بعد تقدير الله
وصرنا نشعر بالضغط أكثر وأكثر
بس أنا لي وقفة على هذا الموضوع
أخواتي أنا زيكم عندي بنت وأتمنى الولد المتعافي الصالح
بس ماتلاحظون إن المجتمع والرجال بالأخص هم سبب الضغط النفسي اللي إحنا عايشينه
إيش فيهم البنات
مو نعمة
والله إن أحيانا البنات ينفعون آباؤهم أكثر من العيال
وياكثر العيال اللي هم على القلب
ما أعمم بس المشاهد إن شريحة كبيرة من المجتمع أشوفهم مانفعهم بعد الله إلا البنات
ياناس البنات بركة
وإيش فيها إذا جبنا كلهم بنات
هل هو عيب أو نقيصة
مو كل العيال بيجون صالحين
كمان مو كل البنات بيجو صالحين
بس على الأقل البنت لاكبرت تقدري تضبطيها وتوعينها وترشدينها وهي غراس لتربية الأم
أما الولد من جد تربيته صعبة
ماتقدري تتحكمي فيه إذا كبر
بيوصل لسن يبي يخرج ومايبي عليه رقيب
أرجوكم أرجوكم
بلاش نضغط أنفسنا عشان تفكير مجتمع ساذج
كله من صحتنا النفسية والجسدية
اللهم إنا نسألك من فضلك العظيم ورحمتك فإنه لايملكها إلا أنت
إرحم ضعفنا يالله
ولاتسلط علينا بذنوبنا من لايخافك فينا ولايرحمنا
شاركوني بآراؤكم