ظاهرة صفع البنات في المدارس/ يمنع فتح موضوع بأكثر من قسم

لمن كنت أدرس في المتوسطة 39 ما انسى ابلة التاريخ والجغرافيا كانت الوحيدة بالمدرسة اللي تدرس المادة كان تدريسها عبارة عن ضرب وكفوف جعل يدها للكسر كانت تدخل وتقول مين ما ذاكرت ثلاثة بس اللي ذاكرو والباقي ترصهم ورى وتسمع للي ذاكر واذا طلعت ما ذاكرت ترجعها ورى ولمن تخلص تسميع ترجع ورى بالدور تعطي كل وحدة تعطيها كفين معتبرة واللي قالت ذاكرت وطلعت ما هي حافظة تاخد كفوف زيادة وهكذا لمدة ثلاث سنوات . والبنات كل يوم يخرجوا من الصف خدهم محمر . اذكر مره بنت لبنانية قالت انها ذاكرت وطلعت مو حافظة . الأبلة وقفتها وعطتها عشرة كفوف على خدها اليمين . وطبعت اصابعها على خدها . مسكينة البنت خدها صار أحمر مدري كيف اتحملت .
ومع كل هذا افتكر علاماتي كلها امتياز الا التاريخ والجغرافيا كان جيد واحيان مقبول كرهتنا في المادة حسبيا الله عليها