ظاهره بدأت تتفشى ؟؟هيا بنا نتغلب عليها

اما السبب الثاني الاسره والمجتمع المحيط
اضربلكم مثال / تشوف البنت امها دائما متذمره من الشغل
وشايله هم ،،:06:
واذا ماعندها شغاله،، يوم السعد اليوم اللي تستقدم فيه شغاله..
ولوعندها شغاله تكون راميه المسؤليه كامله عليها.

وهذي تعتبر رسائل ترسلها الام للبنت بدون ماتشعر
ترسخ عند البنت كره الشغل ..فطبيعي اذا كبرت وتزوجة
يصير شغل البيت هم وثقل.

والمصيبه اذا كانت الام نظرتها ان اللي ماعندها شغاله مسكينه ماهي مرتاحه بحياتها ..
ايامها ولياليها كلها شغل وكرف...
فالاكيد هذي النظره بتأثر على البنت.


حبايبي اللي تدخل لحياتها الجديده وعندها هذي النظره للشغل
صدقوني بتتعب،،

ومن الاسباب برضوا جهل البنت بأساسيات الشغل،،
يعني مهب شرط تشتغلين وتتحملين المسؤليه قبل الزواج
عشان تصيرين ربة بيت ممتازه..
لا.. يكفي الالمام بمعلومات عن الترتيب والنظافه والطبخ..
خلي عندك دفتر سجلي فيه معلومات مهمه......(انا كان عندي ومقسمته واسجل فيه)
ومن الاشياء اللي كنت مسجلتها والان اضحك على نفسي اللي هي//
طريقة غسل الملابس البيضاء والملونه::hahaha:
الخطوات........
الطريقه..........

وفي سبب مهم اللي هو كثرة الضغط على البنت في الشغل..
يعني الام ترمي ثلاث ارباع الشغل على بنتها :angry:وتقول لازم
تتدربين :22:كيف بكره اذا تزوجتي؟؟

انا وجهة نظري ان البنت تساعد امها بس حسب عمرها..
ولانضغط لين نسبب العداوه بين البنت والشغل.

نصيحه للي تكره الشغل غيري تفكيرك ،،
لاتراكمين الشغل يعني الكنس والمسح والغسيل والكوي اول باول،،
اذا عندك اطفال عوديهم على الترتيب والنظام والتعاون..
شغل البيت يتقسم على الام والابناء والبنات وبكذا يتعودون..
حاولي توفرين الاجهزه لاختصار الوقت والجهد..
توكلي على الله وادعي بالتيسير(اللهم لاسهل الا ماجعلته سهلا)


ترى اليوم 24 ساعه خلي منها ساعتين يوميا اذا ماكان اقل للشغل والباقي
نوم وجلسه وطلعه وشغل خفيف..
وخلي في بالك ان (الشغل والتنظيف اول باول = وقت وجهد اقل)


ونصيحه لكل ام حببي بنتك بالشغل من صغرها(مهب تكرفينها)
بالعكس خليها تلمس منك حب الشغل والترتيب والنظافه.
كوني لها القدوه ،،
قولي لها ان الزوج لازم يشوف لمساتك في البيت حتى لوعندك شغاله،،
يبي ياكل من يدينك ..
ارفعي راسه بين اهله واصحابه وخليك قد المسؤليه.
كوني نظيفه جميله في نفسك وبيتك،، وازني الامور،،
لاتهتمين بمجال وتقصرين بالمجال الاخر.


اخر شي ابغى كل وحده تتخيل معي ان زوجها بعد مرور اشهر من الزواج بدأ
يتذمر من طلبات البيت :mad:ويقول بصراحه هذي مهب حياة الله يرحم ايام ماكنت عزوبي
ماعندي الا الدوام والنوم والاصحاب اما بعد ماتزوجتك نبي خبز نبي لبن و....
كأني سواق،،غير مواعيد المستشفى والزيارات؟؟؟؟؟؟؟؟؟
بالله ايش نظرتك له؟؟؟

اتمنى موضوعي اعجبكم
لاتنسوني من دعواتكم.

الله يجزاك خير

جزاكي الله خير كلامك جدا رائع لاكن مشكلة الابناء والبنات طول الوقت متذمرين سواء يشتغلون ولامايشتغلو وكمان زي حكايتي انا من النوع العصبي وابغى كل شي بسرعه بينما الحلوين الي عندي باردين فتلاقيني اتعب من كثر مااتكلم بس محديسوي الشي الي ابغاه اويخربوالشغله فتلاقيني اسوي بنفسي بس اكتشفت حاجه الكل يقولها ليه لما اكون ماني موجده بنتك تسوي كل شي زيك لاكن قدامي لاء تعتمد:27: