ظاهره منتشره وصلني عالوتس وش ردكم

حابه أتكلم عن ظاهرة بالمجتمع ، وبشكل ( مقزز ) من بعض الاشخاص ! مظاهر حديثين النعمة "" متى نعرف أهمية آلتقبل !
تقبل الاختلاف .. الشخصيات .. الاذواق .. الامكانيات .. التفاصيل سواء الكبيره او الصغيرة "!
ليه لازم نصير نسخ من بعض ! كل شخص يوحي لنفسه هو الصح وانت " الخطاء " ! ليه ؟

اذا مشيت على ذوقه فأنت شي واو لكن خالفته يسفل فيك يخلك ندمت انك تتكلم ! كثير منا صار يتحاشى الاجتماعات ماننكر ان العالم صار فيه انفتاح والاستهلاك والمظاهر اعمتهم عن كل شي ..

انا من الناس الي كنت اتحمل اتحمل لكن وصلت اني اتحاشى الاشخاص من هالفئه عشان اكون مرتاحه واختلط بالي يتقبلني اكككثر واكثر .. مو شرط بالامكانيات لكن الذوق والشخصيه .. لازم يعيب فيك شي عشان هو يكون اعلى منك .. مع انك بقرارة نفسك ان الي تسوية صح لا كن النقد شي اساسي بحياتهم ...

من الامثله الي نشوفهآ :

وين ولدتي ؟ والله بالشميسي ايششش الشميسي !!!! ياقدمك فيه احد يروح هالمستشفى ليه مارحتي للحبيب او دله تعاملهم راقي صدمه صراحه ! ( نفرض هالانسانه ماولدت بهالمستشفى لان ماعندها مادة حالتهم ضعيفه بهالوقت هي فرحانة انها ولدت تبي احد يكمل فرحها تجين تجرحينها !
هذا ذوق منك ! ) ^

وين سكنتو يوم سافرتو ؟ والله بالفندق الفلاني >> رخيص وعادي غريبه لا صراحه انا اذا سافرت مانسكن الا باالفنادق الواو ! ( طيب انتي تقدرين انا مااقدر تجين تتفشخرين قدامي وش اسوي لك ) !! ^
من وين اخذتي روجك والله من ريفلون ! وعععععع اكره هالماركة ماااك مااك ولا تتعدينها ! ^ تجين بلوك جميل وعاجبك .. نفسك بتشجيع بالتغيير الي سويته .. تنصدمين بـ ليه خذتي هالشي مره قديم كان سويتي كذا وكذا ( تحسسك انها ختمت اخر احداث الموضه ) ^

اووه ليه حملتي بدري ! 😱 لا صراحه انا ماايد كذا الا بعد سنتين ! وتجريح طيب يمكن ماحملت بإرادتها ! يمكن زوجها شاد عليها من هالنقطه ! ( وش عليك .. ) شي مقزز ومستفزز ولا انكر ان فيه ناس صارت تتسلف وتكذب عشان تسلم من كلام الناس وتصير زي طبقتهم " !
مشكلة اذا وصلنا هالرقي واحنا بـ التصرفات هذي ... فيه فرق لما اطلب منك النقد وفيه فرق لما اجي مبسوطه وعاجبني .. ومن حبي لك ابي اسمع منك الاطراء والكلام الجميل .. فقط !

الكلمة الحلوة ماتكلف كثير 😊


❤️رَبّيـﮯ آٌُجَْعََلَْ حَيـﮯَآتُيـﮯ مِـنْ گلَْ آلَتُوُقَعََآتُْ }~❤️